كەيكى باتىردىڭ باس سۇيەگى الماتىعا اكەتىلدى

استانا. قازاقپارات - قازاقستان رەسپۋبليكاسى مەملەكەتتىك ورتالىق مۋزەيىنىڭ ديرەكتورى نۇرسان ءالىمباي 1916 -جىلعى ۇلت ازاتتىق كوتەرىلىسىنىڭ ۇيىمداستىرۋشىلارىنىڭ ءبىرى كەيكى باتىردىڭ باس سۇيەگىن زەرتحانالىق زەرتتەۋلەر جۇرگىزۋ ءۇشىن استانادان الماتىعا جەتكىزەدى.

بۇل تۋرالى قوعام قايراتكەرى، ساياساتتانۋشى بەرىك ءابدىعالي ۇلى فەيسبۋكتەگى پاراقشاسىندا جازدى. «نۇرسان (الىمبەي) اعامىز كەيكى باتىردىڭ باس سۇيەگىن الماتىعا الىپ كەتىپ بارادى. ايروپورتتىڭ تەكسەرۋىنەن ءوتتى. وتباسىمىزبەن باتىر مەن اعامىزدى شىعارىپ سالدىق. استانادان (ساعات) 22.30-دا ۇشادى. الماتى قارسى ال!»، دەپ جازدى ساياساتتانۋشى.

بەرىك ءابدىعالي ۇلىنىڭ ايتۋىنشا، انتروپولوگتەر باتىردىڭ بەت كەلبەتىن جاساپ بولعاسىن، شامامەن 1-2 اي كولەمىندە باس سۇيەك قوستاناي وبلىسىنىڭ امانگەلدى اۋدانىنداعى ارنايى سالىنعان مازارعا جەرلەنەدى.