مينيستر ساعاديەۆ قىزمەتكەرلەرىن جۇمىستان ۋاقىتىندا جىبەرەدى

استانا. قازاقپارات - ق ر ءبىلىم جانە عىلىم ءمينيسترى ەرلان ساعاديەۆ ءوز قىزمەتكەرلەرىن جۇمىستان ۋاقتىلى ۇيلەرىنە جىبەرەدى، دەپ حابارلايدى قازاقپارات.

«جۇمىستان كەشكى 6 دا  جىبەرەتىن بولامىز. قورىقپاڭىزدار. قازىردىڭ وزىندە ءبىز جۇمىستان ءدال وسى ۋاقىتتا بوساتۋدامىز. بۇگىندە بارلىق ساتتەردى قاراستىرىپ، كەلىسۋدەمىز. ءبىز ءوزىمىز ساعات 6 دا  دە جۇمىستان بوساتۋعا تىرىسامىز. بىزدە ەڭبەك زاڭناماسى تالاپتارىن بارىنشا قاتاڭ ورىنداۋ تۋرالى نۇسقاۋلىق بولدى. مەن بۇل ءىستى ۇكىمەتتەن باستاۋدى ۇسىندىم. ويتكەنى، ەگەردە ونى اۋەلى ۇكىمەت باستايتىن بولسا، سوعان وراي قالعاندارىنا دا ءبىرشاما جەڭىل بولار ەدى. ءبىز ءوزىمىزدىڭ مينيسترلىكتە بۇل پروتسەستى باستادىق. بۇل قانداي ناتيجە بەرەتىندىگىن كۇتەيىك»، - دەدى ساعاديەۆ «Bolashak Alumni Reunion Conference and Education Fair - 2016 BARCEF - 2016)» "بولاشاق" باعدارلاماسىنىڭ III حالىقارالىق كونفەرەنسياسى اسىندا ب ا ق وكىلدەرىنە بەرگەن سۇحباتىندا.

ايتا كەتەيىك، وسى اپتادا وتكەن ۇكىمەت وتىرىسىندا ەلىمىزدىڭ ءبىلىم جانە عىلىم ءمينيسترى ەرلان ساعاديەۆ مەملەكەتتىك قىزمەتشىلەردى ۇيلەرىنە، بالالارىنىڭ جانىنا كەشكى 6 دان كەيىن جىبەرۋ قاجەت دەگەن باستاما كوتەرگەن بولاتىن.

«اتا- انالاردىڭ بالالاردى تاربيەلەۋدەگى ءرولى مەن جاۋاپكەرشىلىگى تومەندەپ كەتتى. اتا- انالار ۇنەمى جۇمىستا بولعاندىقتان، بالانىڭ تاربيەسىمەن اينالىسۋعا ۋاقىتى بولمايدى. ونىڭ ىشىندە مەملەكەتتىك قىزمەتكەرلەر دە كوپ. قازىرگى ۋاقىتتا تەك 10-12 پايىز اتا- انالار عانا مەكتەپتەگى جينالىسقا قاتىسادى. ءبىزدىڭ ەسەبىمىز بويىنشا، اتا- انالاردىڭ 50 پايىزى 11 -جىلدىڭ ىشىندە مەكتەپتەرگە كەلمەيدى. ءبىزدىڭ ويىمىزشا، اتا- انالاردى ساعات 6 دان كەيىن ۋاقىتىندا ۇيلەرىنە، بالالارىنا جىبەرۋ تاجىريبەسىن باستاۋ قاجەت»، - دەدى ساعاديەۆ.