«اۋرۋحاناعا 5 -قازان كۇنى تۇسكەن بويجەتكەننىڭ قازىرگى ۋاقىتتاعى جاعدايى قاناعاتتانارلىق. الدىن الا بولجام بويىنشا، ۇيالى تەلەفوندى قۋاتتاندىراتىن قۇرال جارىلعان. كۇيىك پەن وزگە دەنە جاراقاتتارى جوق. قىز قاتتى شوشىنعان سەكىلدى»، - دەپ حابارلادى دەنساۋلىق ساقتاۋ باسقارماسىنىڭ باسپا ءسوز قىزمەتىنەن.
وقيعا دوسمۇحامەدوۆ اتىنداعى ورال پەداگوگيكالىق كوللەدجىنىڭ جاتاقحاناسىندا بولعان.
العاشىندا جاتاقحانا باسشىلىعى قىسقا تۇيىقتالۋ بولىپ، ۇشقىن پايدا بولعانىن، ءبىراق تەلەفوننىڭ جۇمىس ىستەپ تۇرعانىن ايتىپ، اقپاراتتى راستاعان ەدى. الايدا، كەيىنىرەك، كوللەدج بۇل اقپاراتتى تەرىسكە شىعارىپ، ەشقانداي جارىلىستىڭ بولماعانىن، ال قىز قان قىسىمىنىڭ جوعارىلاۋىنان ەسىنەن تانعانىن مالىمدەدى.