ا ق ش- تاعى ەڭ بەدەلدى ۋنيۆەرسيتەتكە 2007 -جىلى تۇسكەن ەرجان ەلىكوۆ وقۋىن بىتىرەتىن جىلى ەلگە ورالماعان. جالعىزىنان كوز جازىپ قالعان اتا- انا ۇلىن سۇراپ «بولاشاق» باعدارلاماسىنىڭ استاناداعى باس كەڭسەسىنە دەيىن بارىپتى. ءبىراق ونداعىلار حابارسىز كەتكەن ستيپەندياتتى ىزدەۋدىڭ ورنىنا، قامكوڭىل وتباسىنى سوتقا بەرىپ، جالعىز باسپاناسىن سوت ارقىلى تارتىپ العان.
بۇل ەلىكوۆتەر وتباسىنىڭ جالعىز ۇلىن شەتەلگە شىعارىپ سالىپ تۇرعان ءساتى. بالاسى «بولاشاقتىڭ» ستيپەندياتى اتانعان اتا- انانىڭ قۋانىشى قوينىنا سىيماي ءجۇر. مىنە، سودان بەرى توعىز جىل ءوتتى. ەرجان ەلگە ورالۋىنا ەكى اي قالعاندا، ا ق ش- تا ءىز- ءتۇسسىز جوعالىپ كەتىپتى.
«سوڭعى رەت ول ماعان 2011 -جىلى تەلەفون سوقتى. مەنى 8- ناۋرىز مەرەكەسىمەن قۇتتىقتاعان بولاتىن. سودان بەرى ۇلىمنان حابار جوق. جازباعان جەرىمىز، كىرمەگەن ەسىگىمىز قالمادى. ءبىراق بىردە- ءبىر مەملەكەتتىك ورگان ۇلىمدى تاۋىپ بەرۋگە كۇش سالىپ جاتقان جوق» ، - دەيدى ەرجاننىڭ اناسى زياينيا ەلىكوۆا.
قازىر 28 جاسقا تولعان ەرجان ءتورت جىل بويىندا ۇيىنە ۇزدىكسىز قوڭىراۋ شالىپ وتىرىپتى. جازعى دەمالىس سايىن دا ەلگە كەلىپ جۇرگەن. سوندىقتان تەلەفونى ءسونىپ قالعاندا، اتا- اناسى ونشا كۇدىكتەنە قويمادى. ءبىراق ەلگە ورالاتىن ۋاقىتى جاقىنداعان ستۋدەنت سول بويى جوعالعان. ۋنيۆەرسيتەتى دە ىزدەمەگەن. قايتا قاتىسپادى دەپ ونى سىرتتاي وقۋدان شىعارىپ جىبەرىپتى. «بولاشاقتاعىلار» دا بايلانىسقا شىقپاعان ستۋدەنتكە ءجۇردىم- باردىم قاراپ ستيپەندياسىنان ايىرىپ قويا سالعان.
«كۇيەۋىم كۇدىكتەنىپ، بىردەن استاناعا جول تارتتى. بالانى «بولاشاقتىڭ» كەڭسەسىنەن بارىپ سۇرادى. ءبىراق ونداعىلار جاۋاپ بەرە المادى. ءبىلىپ بەرەمىز دەدى دە، بالانىڭ قايدا ەكەنىن سول كۇيى ايتپادى» ، - دەيدى قاپالانعان انا.
«بولاشاقپەن» كەتكەن ەرجاننىڭ جوعالعانىنا وسىمەن بەسىنشى جىل. جالعىزىنان كوز جازىپ قالعان اكەنىڭ جازباعان جەرى قالماعان. ارتىنان ا ق ش- قا ءوزى ىزدەپ بارايىن دەسە، قالتالارىندا قارجى جوق. قاراپايىم مەتالۋرگتىڭ تاپقان تابىسى، شەتەل اسۋعا جەتپەيدى. ودان قالدى وتباسى قازىر دالادا قالعان. ويتكەنى جالعىز پاتەرىن «بولاشاقتاعىلار» وقۋدىڭ وتەماقىسى رەتىندە سوت ارقىلى تارتىپ العان.
تاعى 20 ميلليون تەڭگە قارىز ارتىپ قويعان. ءبىراق ەلىكوۆتەر وتباسى باسپاناسىن العان «بولاشاق» بارىنەن بۇرىن بالامىزدى قايتارسا دەيدى.
«بولاشاق» باعدارلاماسىن ۇيىمداستىرۋشىلار بالامدى قايتارۋى ءتيىس. شەتەلگە جىبەرگەن سوڭ باس- كوز بولۋ كەرەك ەمەس پە؟ بەس جىل بولدى، جاۋاپ جوق. ستۋدەنتتى ىزدەۋدىڭ ورنىنا، سوت ارقىلى وقۋ اقىسىن ءوندىرىپ الدى» ، - دەيدى ەرجاننىڭ اكەسى سەرىك ەلىكوۆ.
ءبىراق، بالانىڭ تاعدىرىنا الاڭداعان «بولاشاق» جوق. الەمدەگى 20 دان استام مەملەكەتكە جىل سايىن مىڭداعان قىز- جىگىتتى جونەلتەتىن مەكەمە ەرجان ەندى ءبىزدىڭ ستۋدەنت ەمەس دەپ جايباراقات وتىر.
«ەرجان ەلىكوۆ وقۋ ۇلگەرىمى ناشارلاعان سوڭ، ستيپەندياسىنان ايىرىلدى. قازىر ول ءبىزدىڭ ستۋدەنت ەمەس. قازىر ءبىز ولارعا سوت ارقىلى قالعان قارجىنى وتەۋ تۋرالى ەسكەرتۋ قاعازىن جىبەردىك. ونىڭ جوعالىپ كەتكەنىنە ءبىزدىڭ قاتىسىمىز جوق» ، - دەدى «بولاشاق» حالىقارالىق باعدارلامالار ورتالىعى» اق ۆيتسە- پرەزيدەنتى مەيىرجان الپىسباي.
ال اناسى جىلاي- جىلاي كوزدىڭ جاسىن تاۋىسقان. بىرنەشە رەسپۋبليكالىق وليمپيادالاردىڭ جۇلدەگەرى، قازاق- تۇرىك ليتسەيىنىڭ ۇزدىگى ەرجان 18 جاسىندا الماتىداعى زاڭگەرلەر اكادەمياسىنا گرانتقا ءتۇسىپتى. سودان بىردەن «بولاشاققا» بارعان. قازاق بالاسى پەنسيلۆانيا شتاتىنداعى ەڭ بەدەلدى ۋنيۆەرسيتەتتە ساناۋلى گرانتتىڭ يەگەرى اتانىپتى. ەندى نە ءولى، نە ءتىرىسىن ەشكىم بىلمەي وتىر.