اتىراۋدا تەرروريستىك تۇرعىدان وسال مەيرامحانا انىقتالدى
07:54, 07 - قازان 2016
استانا. قازاقپارات - اتىراۋ وبلىسىنىڭ يساتاي اۋداندىق سوتىندا قازاقستان رەسپۋبليكاسىنىڭ ا ق ب ت ك 149-بابىنىڭ 1-بولىگىمەن (تەرروريستىك تۇرعىدان وسال وبەكتىنىڭ تەرروريزمگە قارسى قورعالۋىن قامتاماسىز ەتۋ جانە قاۋىپسىزدىگىنىڭ ءتيىستى دەڭگەيىن ساقتاۋ جونىندەگى مىندەتتەردى ورىنداماۋ جانە (نەمەسە) تيىسىنشە ورىنداماۋ) اكىمشىلىك جاۋاپكەرشىلىككە تارتىلعان ت. -عا قاتىستى اكىمشىلىك ءىس قارالدى.
ءىس قۇجاتتارىنا سايكەس، كاسىپكەر ت. ءوزىنىڭ مەنشىگىندەگى «ىڭكارلىم» مەيرامحاناسىنىڭ تەرروريزمگە قارسى قورعانۋ ءتولقۇجاتىن جاساقتاماي، وبەكتىنىڭ تەرروريزمگە قارسى قورعالۋىن قامتاماسىز ەتۋ جانە قاۋىپسىزدىگىنىڭ ءتيىستى دەڭگەيىن ساقتاۋ جونىندەگى مىندەتتەردى ورىنداماعان، دەپ حابارلايدى اتىراۋ وبلىستىق سوتىنىڭ سايتى.
سوت بارلىق ءمان-جايلاردى ەسكەرە وتىرىپ، ت. -نى كىنالى دەپ تانىپ، وعان 200 ايلىق ەسەپتىك كورسەتكىش مولشەرىندە 424200 تەڭگە ايىپپۇل سالدى.
سوت قاۋلىسى زاڭدى كۇشىنە ەندى.