ساعىنتايەۆ ءوزىنىڭ ورىنباسارلارى مەن كەڭسە باسشىسى اراسىنداعى مىندەتتەردى ءبولدى
بۇل تۋرالى primeminister.kz سايتىندا حابارلاندى.
قۇجاتقا سايكەس، ق ر پرەمەر- ءمينيسترىنىڭ قاراۋىنا ەكونوميكالىق، قارجى، فيسكالدىق جانە كەدەندىك ساياسات، مەملەكەتتىك بيۋدجەتكە قاتىستى ستراتەگيالىق ماسەلەلەر، مەملەكەتارالىق قارىم- قاتىناس ماسەلەلەرى جانە حالىقارالىق ىنتىماقتاستىق، شەتەلدىك ينۆەستيتسيالاردى تارتۋ جانە ينۆەستيتسيالىق احۋالدى جەتىلدىرۋ جانە باسقالارى كىرەدى.
ق ر پرەمەر- ءمينيسترىنىڭ ءبىرىنشى ورىنباسارى اسقار ءماميننىڭ مىندەتتەرىنە ەكونوميكانى جانە ايماقتىق ساياساتتى جەدەل باسقارۋ، قورشاعان ورتانى قورعاۋ، تابيعي رەسۋرستاردى پايدالانۋ، قۇرىلىستى دامىتۋ جانە تۇرعىن ءۇي- كوممۋنالدىق شارۋاشىلىعىن جاڭعىرتۋ، كولىك ينفراقۇرىلىمىن جانە لوگيستيكانى دامىتۋ، ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ، ەنەرگيانىڭ جاڭارتىلاتىن كوزدەرى، كومىر، اتوم ونەركاسىبى جانە يادرولىق ەنەرگەتيكانى دامىتۋ ماسەلەلەرى بەكىتىلدى.
سونىمەن قاتار، ول توتەنشە جاعدايلارعا جانە جۇمىلدىرۋ جۇمىستارىنا، اسكەري- ونەركاسىپتىك كەشەندى، شاعىن جانە ورتا بيزنەستى دامىتۋ، جىلۋ بەرۋ ماۋسىمدارىنا دايىندادىق جانە ونى وتكىزۋ، ەكسپو-2017 حالىقارالىق مامانداندىرىلعان كورمەسى ماسەلەلەرىنە جانە باسقالارىنا جاۋاپتى.
پرەمەر- ءمينيستردىڭ ءبىرىنشى ورىنباسارىنىڭ قۇزىرەتىنە سونداي- اق مەملەكەتتىك- جەكەمەنشىك ارىپتەستىكتى دامىتۋ، تابيعي مونوپوليالاردى رەتتەۋ، باسەكەلەستىكتى دامىتۋ جانە تۇتىنۋشىلاردىڭ قۇقىقتارىن قورعاۋ، ۇيىمدار مەن مەملەكەتتىك ورگانداردىڭ تاۋارلاردى، جۇمىستار مەن كورسەتىلەتىن قىزمەتتەردى ساتىپ الۋ كەزىندە قازاقستاندىق قامتۋ ۇلەسىن ۇلعايتۋ بويىنشا مەملەكەتتىك ساياساتتى ىسكە اسىرۋ، ونەركاسىپتى، يننوۆاتسيالاردى، تەحنيكالىق رەتتەۋ، ەلەكتر ەنەرگەتيكاسى، گەولوگيا جانە جەر قويناۋىن پايدالانۋ، مۇناي حيمياسى، اقپاراتتىق تەحنولوگيالار، تۋريزم، ەكسپورتتىق باقىلاۋ جانە باسقا ماسەلەلەر كىردى.
ق ر پرەمەر- ءمينيسترىنىڭ ورىنباسارى يمانعالي تاسماعامبەتوۆكە ءبىلىم بەرۋ، عىلىم، دەنساۋلىق ساقتاۋ، الەۋمەتتىك جاڭعىرتۋ، الەۋمەتتىك ساياسات، جۇمىسپەن قامتۋ، ءدىن، سپورت، مادەنيەت، دەموگرافيالىق جانە كوشى- قون ساياساتى، مەملەكەتتىك اقپاراتتىق ساياساتتى ىسكە اسىرۋدى ۇيلەستىرۋ جانە باسقا ماسەلەلەر بەكىتىلدى.
ق ر پرەمەر- ءمينيسترىنىڭ ورىنباسارى - ق ر اۋىل شارۋاشىلىعى ءمينيسترى اسقار مىرزاحمەتوۆ اگروونەركاسىپتىك كەشەن، جەر قاتىناستارى، سۋ رەسۋرستارى، ورمان شارۋاشىلىعى، جانۋارلار الەمى جانە باسقا ماسەلەلەرگە جەتەكشىلىك ەتەدى.
پرەمەر- مينيستر كەڭسەسىنىڭ باسشىسى ەرلان قوشانوۆ پرەمەر- ءمينيستردى جانە ۇكىمەت باسشىلىعىن اقپاراتتىق- تالداۋ، قۇقىقتىق، ۇيىمداستىرۋشىلىق، حاتتامالىق، قۇجاتتامالىق، ماتەريالدىق- تەحنيكالىق جانە وزگە دە ماسەلەلەردى قامتاماسىز ەتۋدى ىسكە اسىرادى.