نازاربايەۆ قازاقشا سايراپ تۇرعان بالالار ءۇيىنىڭ تۇلەگىنە ريزا بولدى
13:37, 30 - قىركۇيەك 2016
استانا. قازاقپارات - كاچير بالالار ءۇيىنىڭ تۇلەگى، مۋزىكالىق مەكتەپتىڭ تاربيەلەنۋشىسى الەكسەي لودوچنيكوۆ كەشە دوستىق ۇيىندە نۇرسۇلتان نازاربايەۆتىڭ ءوڭىر جۇرتشىلىعىمەن كەزدەسۋى بارىسىندا پرەزيدەنتكە ءوز ارمانىن ايتتى، دەپ حابارلايدى pavlodarnews.kz .
«مەن دە كوپتەگەن قازاقستاندىق بالالار سياقتى ءسىزدى اكەم رەتىندە سانايمىن. ءار بالانىڭ ارمانى بولادى. ال، مەنىڭ ارمانىم بۇگىن ورىندالدى. مەن سىزبەن كەزدەسۋدى ارمانداعان ەدىم. بەلگىلى قازاق ءانشىسى امىرە قاشاۋبايەۆ 1925 -جىلى پاريجدە وتكەن ەكسپو- دا «بالقاديشا» ءانىن ورىنداعان. مەن تەلەديداردان وسى ءاندى ءسىزدىڭ شىرقاعانىڭىزدى كوردىم. ەندى مەن بۇل ءاندى سىزگە ورىنداعىم كەلەدى. سونداي- اق، استانادا ەكسپو-2017 كورمەسىندە ءان سالسام دەيمىن»، - دەدى الەكسەي قازاق تىلىندە.
پرەزيدەنت جاس جىگىتتى مەملەكەتتىك ءتىلدى جاقسى مەڭگەرگەنى ءۇشىن ماقتادى.
«سەن مەنىڭ سەرىكتەستەرىمە قاراعاندا قازاق تىلىندە جاقسى سويلەيسىڭ»، - دەپ نۇرسۇلتان نازاربايەۆ ەل تاۋەلسىزدىگىنىڭ 25 جىلدىعىنا وراي استانادا وتەتىن كونسەرتكە شاقىردى.