تانىمال قازاقستاندىق ءانشى تويدا اسابامەن توبەلەستى - كەسكىن
اسحات تارعىنوۆ توي ۇستىندە، جينالعان جۇرتتىڭ كوزىنشە اسابامەن جاعا جىرتىستى.
اتالمىش توبەلەستىڭ ۆيدەوسى YouTube ارقىلى تاراپ وتىر.
«چيپ- چيپ» ءانىنىڭ ورىنداۋشىسى اسحات تارعىنوۆ تويدا توبەلەس شىعاردى. ول ءانشى ايبەك قوڭىربايەۆتى ساباپ تاستادى»، - دەيدى روليك اۆتورى راۋان ءابىلعازين.
بۇل توبەلەس ۆيدەوعا قاراعاندا، مەرەكەلىك جيىندا بولعانعا ۇقسايدى. اسابا ساحناعا شىعىپ، جاستاردى بيگە شاقىرادى. ونىڭ بۇل شەشىمى اسحات تارعىنوۆقا جاقپاي قالىپ، اساباعا شامدانا باستايدى. سوزگە كەلىپ قالعان ەكى ونەر يەسى ءبىر- بىرىنە جۇدىرىق الا جۇگىرەدى. توي قوناقتارىنا ارتىستەردى اراشالاۋعا تۋرا كەلدى.
دەگەنمەن، الەۋمەتتىك جەلى قولدانۋشىلارىنىڭ ءبىر بولىگى بۇل توبەلەستىڭ شىنايىلىعىنا كۇمان كەلتىرىپ، قويىلىم بولدى دەپ سانايدى.
ايتا كەتۋ كەرەك، توبەلەسكەن ەكى ءانشى بۇل وقيعاعا قاتىستى ءالى ەش ءتىس جارعان جوق. اسحات تارعىنوۆتىڭ ينستاگراممداعى پاراقشاسى دا ءۇنسىز.
اۆتور: جاسۇلان جولدىبايەۆ