م. توقاشبايەۆ: ۇلت مۇددەسىن تۋ ەتكەندەر تىرناق استىنان كىر ىزدەمەۋ كەرەك
تانىعانىم بولماسا ەكەۋىمەن دە ءومىرى جاقىن ارالاسىپ كورمەپپىن. تەك ۇلكەندىك جولىمەن ىنىلەرىمە توقتاۋ سالعىم كەلەدى. دەبات ەكەۋىنە نەمەسە وتقا ماي قۇيۋشىلارعا كەرەك بولسا دا قازاق حالقى ءۇشىن قاجەتى جوق. ۇلت ءۇشىن قىزمەت ەتۋدى ماقسات ەتكەن جىگىتتەر ءبىر ءبىرىنىڭ تىرناعى استىنان كىر ىزدەۋى مۇلدە جاراسپايدى. سۇيىكتى پايعامبارىمىز (س. ع. س): «ادامنىڭ ايىبىن شىجعىرىپ بەتىنە باسپا» دەگەن. كۇناسىز پەندە جوق. قازا بەرسە اركىمنەن- اق ءبىر پەندەشىلىك تابىلادى.
دەباتتا جەڭىمپاز بولمايتىنى انىق، ول تەك ارانى اشا تۇسەدى. «جەڭدىم» دەگەن ادامنىڭ ءوزى ىشتەي كۇيزەلىسكە تۇسەدى. بۇل ۇلت مۇددەسىن تۋ ەتكەندەرگە ۇلكەن سوققى. كەشەگى الاشورداشىلار قاتارىندا دا ءبىر- ءبىرىن جاقتىرمايتىن ادامدار بولعان، ءبىراق ولار دا ءبىر ءبىرىن كەشىرىپ، ورتاق مۇددە ءۇشىن بىرىگە ءبىلدى ەمەس پە! سوندىقتان بىزدەر دە كۇرەسكەر اتالارىمىز ءتارىزدى كەشىرىمدى بولايىق.
اللانىڭ ەلشىسى (س. ع. س. ) تاعى ءبىر حاديسىندە داۋلاسىپ قالعان ەكى ادامنىڭ ءولىپ- ءوشىپ وزىنىكىن دالەلدەگەنى ەمەس، كىم بۇرىن كەشىرىم سۇراسا سونىكى دۇرىس بولاتىندىعىن ايتقان.
«نايزا ۇستاعان جاۋعا كەزىگەدى، ءسوزدى قۋعان داۋعا كەزىگەدى» دەگەن. بۇل داۋدا جەڭىلەتىن تەك قازاق حالقى عانا. مەن مۇحتار مەن گەرويحان ىنىلەرىمدى دەباتقا ەمەس، تۋرا سول دەبات وتەتىن ۋاقىتتا 28-قىركۇيەك، سارسەنبى كۇنى ساعات 11-دە «سانجاك» (جىبەك جولى مەن بۇزىربايەۆ كوشەلەرىنىڭ قيىلىسى) رەستورانىندا تاتۋلاسۋ داستارحانىنا شاقىرامىن. «قامشىلارىڭىزدى» قالدىرىپ، اشىق جۇزبەن كەلىڭىزدەر!؟ بىزگە جەكە باستىڭ نامىسىنان گورى ۇلتتىڭ نامىسى قىمبات. اينالايىن، التىن ىنىلەرىم، «قازاعىم» دەگەن قاسيەتتى داستارحان باسىندا باس قوسايىق!
مارات توقاشبايەۆ،
فەيسبۋك پاراقشاسىنان الىندى