امەريكانىڭ سولتۇستىك كارولينا شتاتىندا توتەنشە جاعداي جاريالاندى - فوتو
ەكى كۇننەن بەرى شارلوتتا قالاسىنىڭ كوشەلەرىنە جۇزدەگەن ادام شىعىپ، پوليتسيانىڭ قارا ءناسىلدى ازاماتتى اتىپ ولتىرگەنىنە قاتىستى نارازىلىقتارىن بىلدىرۋدە.
ءتارتىپ ساقشىلارىنىڭ مالىمەتىنشە، 43 جاستاعى افرو-امەريكالىق ازامات قارۋلى بولعان. كيت سكوتت ەسىمدى جىگىتتىڭ تۋىستارى ونىڭ قولىندا قارۋ ەمەس كىتاپ بولعانىن العا تارتىپ، وق اتىلعان ءساتتىڭ ۆيدەوسىن جاريالاۋدى تالاپ ەتىپ وتىر. جالپى پوليتسيا قولىنان بەيبىت تۇرعىننىڭ قازا تابۋ وقيعاسى ءبىرىنشى مارتە ەمەس. سوندىقتان جۇزدەگەن ادام قولدارىنا «ءبىزدى ولتىرمەڭدەر!» دەگەن جازۋ ۇستاپ كوشەگە شىققان.
«اق ءناسىلدى ادامنىڭ قارۋ كەزەنگەن كەزدەرى بولعان. مۇنداي جاعدايدا پوليتسيا ولاردان اڭگىمەگە تارتىپ، قارۋىن تاستاۋدى وتىنەدى. كونبەگەن جاعدايدا اياعىنا اتادى. ال افرو-امەريكالىق بولسا بىردەن اتىپ ولتىرەدى»، - دەيدى شارلوتتا قالاسىنىڭ تۇرعىنى.