ءبىر مينۋت ىشىندە ۇيقى شاقىرۋدىڭ ءادىسى قانداي؟

نۇر- سۇلتان. قازاقپارات - جۇمىستىڭ شيەلەنىسۋى، سترەسس نەمەسە باسقا دا پسيحولوگيالىق سەبەپتەرگە بايلانىستى كەيدە ۇيىقتاي الماي جاتاتىن كەزدەر بولادى.

قانداي امال قولدانسا دا وڭايلىقپەن ۇيىقتاي المايتىن ادامدار ءۇشىن ماماندار مىنا ءادىستى قولدانۋعا كەڭەس بەرەدى دەپ جازادى bilim-all.kz.

60 سەكۋند ىشىندە ۇيىقتاۋعا سەبەپ بولاتىن بۇل ءادىستى 4-7-8 ءادىسى دەپ تە اتايدى ەكەن. امەريكالىق عالىم ەندريۋ ۋەيل بۇل ءادىستىڭ «anxiety» دەپ اتالاتىن پسيحولوگيالىق ۇرەيلەنۋ اۋرۋىن ەمدەۋگە دە ۇلەسى بولاتىنىن مالىمدەدى.

بۇل ءادىس بىلاي ورىندالادى: 4 سەكۋند بويى مۇرنىڭىزبەن تەرەڭ دەم الىڭىز. ودان كەيىن العان دەمىڭىزدى 7 سەكۋند بويى ۇستاپ تۇرىڭىز. ودان سوڭ ۇستاپ تۇرعان دەمىڭىزدى 8 سەكۋند بويى اقىرىن شىعارىڭىز.

وسى ءادىستى ءۇش-ءتورت رەت قايتالاڭىز. بۇل ءادىس ورىندالعاندا وكپە كوبىرەك وتتەگىگە تولىپ، پاراسيمپاتيكالىق جۇيكە جۇيەسى جەڭىلدەيدى. وسى ارقىلى ۇيقى شاقىرىپ، ءتاتتى ۇيقىعا باتاسىز.