ءماجىلىس دەپۋتاتى اۋىل شارۋاشىلىعىنداعى ەڭبەك ونىمدىلىگىن ارتتىرۋ جولدارىن ايتتى
ەلىمىزدىڭ اۋىل شارۋاشىلىعىنداعى ەڭبەك ونىمدىلىگى دامىعان مەملەكەتتەردەن 3 ەسە تومەن بولىپ وتىرعاندىعىن ايتقان دەپۋتات ونى شەشۋ جولدارى جايىندا دا ءسوز قوزعادى.
«بىرىنشىدەن، ەلباسى ءبىزدىڭ شىعارىپ جاتقان اۋىل شارۋاشىلىعى ونىمدەرىمىزدى تەرەڭ وڭدەۋ ماسەلەسىن ۇكىمەت الدىنا قويدى. ويتكەنى، قازىرگى ۋاقىتتا ءبىزدىڭ اۋىل شارۋاشىلىعى ونىمدەرىمىزدىڭ 70-80 پايىزى وڭدەۋسىز ساتىلۋدا. تەرەڭ وڭدەۋ قوسىمشا قۇن بەرەدى، قوسىمشا پايدا اكەلەدى. سول ارقىلى ەكسپورتقا شىعارىپ، ەڭبەك ونىمدىلىگىن ارتتىرۋعا بولادى.
ەكىنشىدەن، بىلتىر اۋىلدىق كوپەراتسيالار تۋرالى زاڭ قابىلداندى. ونى جۇزەگە اسىرۋدى مەملەكەت باسشىسى تىكەلەي ۇكىمەتكە تاپسىردى. اۋىل اكىمدەرىنە شاعىن شارۋاشىلىقتاردى ىرىلەندىرۋدى تاپسىرىپ، مۇنىڭ اۋىل شارۋاشىلىعى ونىمدەرىن كوپتەپ شىعارۋعا سەپتىگىن تيگىزەتىندىگىن ايتتى»، - دەدى ول.
سونىمەن قاتار، دەپۋتات فەرمەرلەردىڭ ونىمدەرىن ساتىپ الۋمەن اينالىساتىن سەرۆيستىك كورپەراتسيالار قۇرۋ قاجەتتىگىن اتاپ ءوتتى. ونىڭ ايتۋىنشا، مۇنداي ۇيىمدار شارۋالاردان دەلدالسىز ءونىمدى ساتىپ الادى ءارى ونىڭ ساپاسى دا جوعارى بولادى. ال مۇنىڭ وندىرۋشىلەرگە دە، تۇتىنۋشىلارعا دا پايدالى ەكەندىگى ءسوزسىز.
ج. دۇيسەبايەۆتىڭ مالىمەتىنشە، كەزىندە ەلىمىزدەگى سۋارمالى جەردىڭ كولەمى 2 ميلليون گەكتاردان اسسا، بۇگىندە ونىڭ 1 ميلليوننان استامى عانا كادەگە جاراۋدا. سوندىقتان ق ر پرەزيدەنتى الداعى 5 جىلدىڭ ىشىندە 600 مىڭ گەكتار سۋارمالى جەردى اينالىمعا ەنگىزۋدى تاپسىردى.
«بۇل ۇلكەن مىندەت. ونى جۇزەگە اسىرۋ ءۇشىن الدىمەن سۋمەن قامتىپ، اپاتتى جاعدايداعى بوگەتتەردى قالپىنا كەلتىرۋ قاجەت. سۋ جينايتىن جاڭا بوگەتتەر سالۋ كەرەك. بۇل دا ءبىر ۇلكەن ماسەلە. سوندا عانا ءبىزدىڭ اۋىل شارۋاشىلىعىمىزدىڭ ەكسپورتتىق الەۋەتى وسەدى. قازىرگى ۋاقىتتا وكىنىشكە وراي ءى ج ءو- ءنىڭ 5 پايىزعا استامىن عانا اۋىل شارۋاشىلىعى ونىمدەرى قامتيدى. جوعارىدا اتالعان شارالاردى قولعا الىپ، ىسكە اسىراتىن بولساق بۇل كورسەتكىشتى 20-25 پايىزعا جەتكىزۋگە بولادى»، - دەدى دەپۋتات.