الماتىدا جوعالىپ كەتكەن بانك قىزمەتكەرى ءولى كۇيىندە تابىلدى

الماتى. قازاقپارات - الماتىدا ءبىر اپتا بۇرىن جوعالىپ كەتكەن نۋرشات روزيەۆ ءولى كۇيىندە تابىلدى.

قازاقپارات تىلشىسىنە قوعامدىق قاۋىپسىزدىك كەڭەسى مۇشەسى - يسلام ۋگۋشيەۆتىڭ حابارلاۋىنشا، نۋرشات روزيەۆتىڭ ءولى دەنەسى وزەننەن تابىلعان.

ايتا كەتەيىك، روزيەۆ 3- قىركۇيەككە قاراعان ءتۇنى جوعالىپ كەتكەن ەدى. ونى اناسى ىزدەپ پوليتسياعا ارىز جازعان بولاتىن. ول تۇرعان ءۇيدىڭ ءبىر بولىگى ورتەنگەن. ونىڭ Nissan Primera ماركالى كولىگى ءۇي اۋلاسىنان تابىلمادى.