گولوۆكين-برۋك ۇرىسىنا جاڭا پرومو-روليك جاريالاندى

استانا. قازاقپارات - جەلىدە قازاقستاندىق بوكسشى گەننادي گولوۆكين مەن ونىڭ كەلەسى قارسىلاسى - بريتاندىق كەلل برۋكتىڭ ۇرىسىنا جاڭا پرومو-روليك پايدا بولدى.

كەشە سپورتشىلار لوندوندا الداعى جەكپە-جەك قارساڭىندا اشىق جاتتىعۋ وتكىزدى.

ەسكە سالا كەتەيىك، 10- قىركۇيەكتە WBA (Super) ، IBO، WBC جانە IBF نۇسقالارى بويىنشا ورتا سالماقتاعى الەم چەمپيونى گەننادي گولوۆكين (35-0, 32 ك و) جارتىلاي ورتا سالماقتاعى IBF چەمپيونى كەلل برۋكقا (36-0, 25 ك و) قارسى اتاقتارىن كەزەكتى قورعاۋ ۇرىسىن وتكىزەدى. بوكس كەشى لوندونداعى 20 مىڭعا دەيىن كورەرمەن سياتىن O2 ارەناسىندا وتەدى.

ونى تىكەلەي ەفيردە «قازاقستان» جانە KazSport تەلەارنالارى كورسەتەدى. باستالۋى استانا ۋاقىتىمەن ساعات 00:00 دە.