بۇل تۋرالى بۇگىن ق ر اۋىل شارۋاشىلىعى مينيسترلىگىندە وتكەن بريفينگتە ۆەتەرينارلىق باقىلاۋ جانە قاداعالاۋ كوميتەتىنىڭ ءتوراعاسى ساقتاش قاسەنوۆ ءمالىم ەتتى.
كوميتەت ءتوراعاسىنىڭ ايتۋىنشا، 2- قىركۇيەكتە روسسەلحوزنادزور باسشىلىعىنان حات الىپ، وندا قازاقستاندىق تاراپ ۇسىنعان ماتەريالدار تولىق زەردەلەنگەنى كورسەتىلگەن. «وسىعان بايلانىستى 2- قىركۇيەكتەن باستاپ اتىراۋ وبلىسىنداعى ونىمدەردى قوسپاعاندا قازاقستاندىق شارۋالار رەسەيگە مال ونىمدەرىنىڭ بارلىق تۇرلەرىن ەكسپورتتاۋعا قۇقىلى»، - دەدى س. قاسەنوۆ.
ايتا كەتەرلىگى، بۇعان دەيىن رەسەيدىڭ يامالو- نەنەتسك اۆتونومدى وكرۋگىندا ءسىبىر جاراسىنىڭ تارالۋىنا بايلانىستى بۇنداي شەكتەۋدى قازاقستان تاراپى دا سالعان بولاتىن.
اۆتور: قانات مامەتقازى ۇلى