قازاقستاندا تازا تەحنولوگياسى بار زاۋىتتار عانا سالىنادى - ق ر ەنەرگەتيكا مينيسترلىگى
«بۇگىندە قازاقستاندا جاڭادان ورنالاستىرىلۋى مۇمكىن زاۋىتتاردىڭ تىزبەسى بار. بۇل زاۋىتتار قازاقستاندىق تاراپپەن ىرىكتەلىنەدى. اتاپ ايتقاندا، بىزدە ەكولوگيالىق زاڭناما بار جانە وسى تۇرعىدا وسى زاۋىتتارعا ەكولوگيالىق باعىتتا ءتيىستى تالاپتار قويىلادى. قالاي بولعاندا دا قازاقستاندا تازا تەحنولوگياسى بار زاۋىتتار عانا قۇرىلادى. سەبەبى، بىزدە ەلىمىزدە سالىنۋى مۇمكىن زاۋىتتارعا قاتىستى ناقتى ستاندارتتار بەكىتىلگەن. كەز كەلگەن جاعدايدا ءاربىر جوبا ەكولوگيالىق ساراپتامامەن قاراستىرالادى، قوعامدىق تىڭداۋلار جۇرگىزىلەدى. وسى رەتتە قازاقستان اۋماعىندا سالىناتىن ءاربىر ءوندىرىس نىسانى، ياعني قىتايلىق، ەۋروپالىق نەمەسە باسقا ەلدەردىڭ زاۋىتتارى بارلىق پارامەترلەردى كەلىسۋ بويىنشا ءتيىستى راسىمنەن وتەدى. بۇل تۇرعىدا ەلىمىز ءۇشىن ەشقانداي قاتەر تۋىنداپ وتىرعان جوق»، - دەدى ۆيتسە- مينيستر.
ونىڭ سوزىنە قاراعاندا، جاقىن ارادا ەلەكتر ەنەرگياسىن وندىرەتىن قۋات كوزدەرىن جاڭعىرتۋ ەسەبىنەن ەنەرگيا ءوندىرۋ كولەمى ارتپاق.
«سەبەبى، ەكونوميكا دامىپ كەلەدى، سونداي- اق يندۋستريالىق- يننوۆاتسيالىق دامۋ باعدارلاماسى جۇزەگە اسىرىلۋدا. سوندىقتان بۇل باعىتتا ءتيىستى جەتىستىكتەر بولاتىنىنا سەنىمدىمىن»، - دەپ تۇيىندەدى ءسوزىن عاني سادىبەكوۆ.
اۆتور: رۋسلان عابباسوۆ