بۇل تۋرالى «قازاقستان» ر ت ر ك» باسپا ءسوز قىزمەتى حابارلادى.
كەشكە «قازاقستان» ر ت ر ك» ا ق باسقارما ءتوراعاسى، ق ر ەڭبەك سىڭىرگەن قايراتكەرى نۇرجان جالاۋ قىزى جانە قازاقستاننىڭ ءبىر توپ قوعام قايراتكەرلەرى قاتىستى.
ايتار بولساق، ولاردىڭ قاتارىندا ق ر ۇلتتىق عىلىم اكادەمياسىنىڭ اكادەميگى، مەديتسينا عىلىمدارىنىڭ دوكتورى، پروفەسسور، دۇنيەجۇزىلىك دەنساۋلىق ساقتاۋ ۇيىمىنىڭ كەڭەسشىسى تورەگەلدى شارمانوۆ جانە ق ر حالىق ءارتىسى، اكتەر ءسابيت ورازبايەۆ، وليمپيادا چەمپيونى، «الەمنىڭ ۇزدىك پالۋانى» جاقسىلىق ۇشكەمپىروۆ، ق ر حالىق ءارتىسى نۇرجۇمان ىقتىمبايەۆ، بەلگىلى اقىن، ق ر ەڭبەك سىڭىرگەن قايراتكەرى، قازاقستان جازۋشىلار وداعى ءتوراعاسىنىڭ ورىنباسارى مارالتاي رايىمبەك ۇلى بار.
زيالى قاۋىم وكىلدەرىنىڭ باسىن قوسقان جاڭا تەلەماۋسىمنىڭ تانىستىرىلىمىندا ءسوز سويلەگەن «قازاقستان» ر ت ر ك» ا ق باسقارما ءتوراعاسى نۇرجان جالاۋ قىزى تەلەارنانىڭ جاڭا تۋىندىلارىنا توقتالدى.
«كورەرمەنگە بيلىكتى نەعۇرلىم جاقىنداتۋ بيىلعى ماۋسىنىڭ باستى ۇستانىمى بولماق. بۇعان اپتا سايىن شىعاتىن «سەرپىلىس»، «قوعامدىق كەڭەس» جانە «سۇحبات» باعدارلامالارى دالەل بولادى. بيىلعى ماۋسىمنان بەلگىلى، تالانتتى اقىن قالقامان سارين جۇرگىزەتىن «وي- تولعاۋ» باعدارلاماسى ەفيرگە شىعادى. وعان ەلىمىزدىڭ ەكى تانىمال تۇلعاسى قاتىسىپ، كوپتەگەن سىرلارىمەن بولىسەتىن بولادى».
جاڭا تەلەماۋسىمنىڭ ەڭ ۇلكەن جاڭالىعى - ۇلتتىق ونەرگە دەگەن قامقورلىقتىڭ جانە ءبىر كورىنىسى جاقىن كۇندەرى ەكرانعا جول تارتاتىن «مۋزارت LIVE» جوباسى. بۇل توپتىڭ مۇشەلەرى ەندى بۇكىل قازاق دالاسىنان وزدەرى سياقتى تالانتتى جاستاردى ىزدەيتىن بولادى.
كۇندەلىكتى بەرىلەتىن باعدارلامالار «تاڭشولپان»، «تۇنگى ستۋديادا نۇرلان قويانبايەۆ»، «بىرگە تاڭدايمىز!»، «ايەل باقىتى»، «ايتۋعا وڭاي...» جاڭا ماۋسىمدا جاڭا قىرىنان تانىلادى.
سونىمەن قاتار، «قازاقستان» ۇلتتىق ارناسىداعى بيىلعى ماۋسىمدا «ۇلى دالا بالاسى» اتتى جوبا تابىستى ءجۇرىپ جاتىر. وندا ءانشى تورەعالي تورەالى قازاقستاننىڭ بىرنەشە ايماقتارىندا بولىپ، ەل ءومىرىنىڭ جاقسىلىققا قاراي وزگەرگەنىنە كورەرمەندەرمەن بىرگە كۋا بولدى. قازاقستان رەسپۋبليكاسىنىڭ 25 جىلدىعىنا ارنالعان بۇل ارنايى جوبانىڭ رەيتينگى وتە جوعارى.
«قازاقستان» ۇلتتىق ارناسى بىرنەشە جىل بويى وتاندىق سەريالداردى ءتۇسىرىپ كەلەدى. وسى ماۋسىمدا «ايمان- شولپان»، «كوزايىم»، «شەكارا شەگىندە» سەريالدارى كورەرمەن نازارىنا ۇسىنىلادى.