ساراپشى وزبەكستان پرەزيدەنتى بولۋى مۇمكىن ءۇش كانديداتتىڭ ەسىمىن اتادى
11:56, 05 - قىركۇيەك 2016
استانا. قازاقپارات - مەحيكو ۇلتتىق اۆتونومدىق ۋنيۆەرسيتەتىنىڭ (مەكسيكا) بۇرىنعى ك س ر و ەلدەرى بويىنشا ساراپشىسى، پروفەسسور انا گۋتەررەس دەل سيد وزبەكستان پرەزيدەنتى بولۋى مۇمكىن دەگەن ءۇش كانديداتتىڭ ەسىمىن اتادى.
بۇل تۋرالى BAQ.kz حابارلايدى.
«وزبەكستان پرەزيدەنتى اتانۋى مۇمكىن ءۇش كانديدات بار. ولار: پرەمەر-مينيستر شاۆكات ميرزيايەۆ، ءبىرىنشى ۆيتسە-پرەمەر، قارجى ءمينيسترى رۋستام ازيموۆ جانە وزبەكستان ۇلتتىق قاۋىپسىزدىك قىزمەتىنىڭ باسشىسى رۋستام ينوياتوۆ. وسىلاردىڭ ىشىندە شاۆكات ميرزيايەۆتىڭ مۇمكىندىگى جوعارى»، - دەيدى ساراپشى.
ەسكە سالساق، جۇما كۇنى كەشكىسىن وزبەكستان پرەزيدەنتى يسلام كاريموۆتىڭ قازا بولعانى حابارلاندى. ەلدى شيرەك عاسىر باسقارعان پرەزيدەنت 3- قىركۇيەك كۇنى جەر قوينىنا تاپسىرىلدى.
ەندىگى ولي ءماجليستىڭ (پارلامەنتتىڭ جوعارعى پالاتاسى) سەنات ءتوراعاسى نيگماتۋللا يۋلداشيەۆ وزبەكستان پرەزيدەنتى مىندەتىن ۋاقىتشا اتقاراتىن بولادى.