قازاقستان پرەزيدەنتى ەۋروكوميسسيا توراعاسىمەن كەزدەستى
07:52, 05 - قىركۇيەك 2016
استانا. قازاقپارات - مەملەكەت باسشىسى نۇرسۇلتان نازاربايەۆ G20 سامميتى اياسىندا ەۋروپالىق كوميسسيانىڭ ءتوراعاسى جان-كلود يۋنكەرمەن كەزدەستى، دەپ حابارلايدى اقوردانىڭ باسپا ءسوز قىزمەتى.
كەزدەسۋ بارىسىندا قازاقستان مەن ەۋروپالىق وداق اراسىنداعى ساياسي جانە ساۋدا-ەكونوميكالىق بايلانىستى نىعايتۋ پەرسپەكتيۆالارى قاراستىرىلدى.
تاراپتار ەلىمىز بەن ە و اراسىنداعى كەڭەيتىلگەن سەرىكتەستىك پەن ىنتىماقتاستىق تۋرالى كەلىسىمنىڭ ماڭىزدىلىعىن اتاپ ءوتىپ، قارىم-قاتىناستىڭ ودان ءارى قارقىندى دامي بەرەتىنىنە سەنىم ءبىلدىردى.