سامارقاندتا يسلام كاريموۆتى اقتىق ساپارعا شىعارىپ سالۋ ءراسىمى باستالدى
15:51, 03 - قىركۇيەك 2016
استانا. قازاقپارات - سامارقاند قالاسنىدا وزبەكستان پرەزيدەنتى يسلام كاريموۆپەن قوشتاسۋ ءراسىمى باستالدى، دەپ حابارلادى رەسەيلىك ر ب ك اگەنتتىگى.
ءراسىم سامارقاندتىق مەملەكەت باسشىسىنىڭ رەزيدەنسياسىندا وتەدى. زالعا مەملەكەت باسشىلارى، شەتەل دەلەگاتسياسى، رەسپۋبليكا جۇرتشىلىعى مەن بۇقارالىق اقپارات قۇرالدارىنىڭ وكىلدەرى جينالدى.
قارالى جيىندى جەرلەۋدى ۇيىمداستىرۋ مەملەكەتتىك كوميسسياسىنىڭ ءتوراعاسى، وزبەكستان پرەمەر- ءمينيسترى شاۆكات ميرزيەيەۆ اشتى.
ق ر پرەمەر- ءمينيسترى كارىم ءماسىموۆ قارالى راسىمگە قاتىسۋدا.
وزبەكستان بيلىگى كەشە كاريموۆتىڭ قايتىس بولعانىن رەسمي جاريالاعان بولاتىن. حابارلاما ۇلتتىق تەلەارنا ەفيرىندە وقىلدى. ەلدە ءۇش كۇندىك قارالى كۇن جاريالاندى.