تاشكەنت اۋەجايىندا كاريموۆپەن قوشتاسۋ ءراسىمى وتكىزىلدى - كەسكىن
12:24, 03 - قىركۇيەك 2016
استانا. قازاقپارات - تاشكەنت اۋەجايىندا وزبەكستاننىڭ تۇڭعىش پرەزيدەنتى يسلام كاريموۆپەن قوشتاسۋ ءراسىمى وتكىزىلدى.
بۇل تۋرالى ۆيدەونى Uzreport TV تەلەارناسى فەيسبۋكتەگى پاراقشاسىنىدا جاريا ەتتى.
«تاشكەنت اۋەجايىندا وزبەكستاننىڭ تۇڭعىش پرەزيدەنتى يسلام كاريموۆپەن قوشتاسۋ ءراسىمى وتكىزىلدى. قارالى ءراسىمنىڭ قالعان بولىگى ي. كاريموۆتىڭ تۋعان قالاسى سامارقاندتا وتكىزىلەدى»، دەلىنگەن حابارلامادا.
بۇعان دەيىن حابارلانعانداي، وزبەكستاننىڭ تۇڭعىش پرەزيدەنتىنىڭ دەنەسى ۇشاق ارقىلى تاشكەنتتەن سامارقاندقا اتتاندىرىلدى.
ەسكە سالا كەتسەك، ەل بيلىگى وزبەكستان باسشىسىنىڭ قايتىس بولعانىن رەسمي كەشە حابارلاعان ەدى. يسلام كاريموۆتى بۇگىن سامارقاند قالاسىنا جەرلەيدى.