جوعالعان اقشا قاپشىعىن قايتارىپ بەرگەن قايىرشىعا ونىڭ يەسى ءۇي سىيلادى - فوتو
ول مەترو ستانتسياسىندا قىمبات ءامياندى تاۋىپ العان. ونى وزىنە الىپ قالۋدى ۇيات كورىپ بىردەن يەسىن ىزدەگەن دەپ حابارلايدى stan.kz.
ءامياننىڭ ىشىندە 20000 بات بولعان ەكەن. ول شامامەن - 580 $. ال ءامياندى تاۋىپ العان ازاماتتىڭ قالتاسىندا تيىن دا بولماعان كورىنەدى. ۆارالوپ تاۋىپ العان اقشانى ءوز كەرەگىنە جۇمساماستان، پوليتسيا بولىمشەسىنە اپارعان. كەيىن ءامياننىڭ يەسى 30 جاستاعى نييتي پونگكراينوس بولىپ شىققان. ونىڭ وزىنە تيەسىلى فابريكاسى بار ەكەن. باي ازامات ۆارالوپتىڭ بۇل ادالدىعىنا قايران قالادى.
"ەگەر مەن ونىڭ ورنىندا بولسام، بۇل ءامياندى قايتارمايتىن ەدىم"، - دەيدى ول.
نييتي ۆارالوپقا العىس رەتىندە اقشا ۇسىنباق بولعان. ارتىنشا رايىنان قايتىپ، وعان ءوزىنىڭ فابريكاسىنان جۇمىس ورنىن ۇسىنادى. ءتىپتى، پاتەر سىيلايدى. ەندى ۆارالوپ ايىنا 000 11بات (317 $) كولەمىندە جالاقى الادى.
«ءومىرىمدى وزگەرتۋگە مۇمكىندىك بەرگەندەرى ءۇشىن العىسىم شەكسىز. ەندى مەنىڭ جاتىپ ۇيىقتاۋعا بولاتىن تازا توسەگىم بار. سونداي باقىتتىمىن»، - دەيدى ۆارالوپ.