ريو وليمپياداسىنا ەشقايسىسى مەدال الا الماعان سپورتشىلاردى تۇتقىنداۋعا بۇيرىق بەرىلدى
18:03, 29 - تامىز 2016
استانا. قازاقپارات - زيمبابۆە ەلىنىڭ وليمپيادالىق قۇراماسىنىڭ مۇشەلەرىن تۇتقىنداۋعا بۇيرىق بەردى.
ريوداعى 2016 -جىلعى وليمپياداعا 31 زيمبابۆەلىك سپورتشى قاتىسىپ، ەشقايسىسى مەدال الا المادى، دەپ حابارلايدى BNews.kz.
«ءبىز وزدەرىن سپورتشىمىز دەپ جۇرگەن بۇل جاتىپ ىشەرلەرگە ەلىمىزدىڭ قىرۋار قارجىسىن جۇمسادىق. ەگەر سىزدەر بوتسۆانالىق كورشىلەرىمىز سەكىلدى «مىس» نەمەسە «جەز» مەدال ءۇشىن جانىڭىزدى سالا الماساڭىزدار، دەمەك، اقشامىزدى اۋاعا شاشقانىڭىز. ەگەر ءبىزدىڭ ماقساتىمىز - برازيليادا تۋىمىزدى كوككە كوتەرىپ، گيمنىمىزدى ورىنداتۋ بولسا، زيمبابۆە ۋنيۆەرسيتەتىنىڭ سۇلۋ قىزدارى مەن جىگىتتەرىن-اق جىبەرەتىن ەدىك» - دەيدى روبەرت مۋگابە.