استانادا قۇرىلىس كومپانياسى پاتەرلەردى بىرنەشە ادامعا ساتىپ كەلگەن

استانا. قازاقپارات - استانا پوليتسياسى «تولەندى» قۇرىلىس كومپانياسىنىڭ باسشىسى ايدىن بايجۇمانوۆقا قاتىستى قىلمىستىق ىستەر بويىنشا تەرگەۋ جۇمىستارىن جۇرگىزۋدە، دەپ حابارلايدى استانا قالاسى ءى ءى د باسپا ءسوز قىزمەتى.

سوتقا دەيىنگى تەرگەۋ ورگاندارى «تولەندى» قۇرىلىس كومپانياسىنان جاپا شەككەن ازاماتتاردى استانا قالاسى ىشكى ىستەر دەپارتامەنتىنە حابارلاسۋلارىن سۇرايدى.

«تولەندى» ت ق ك «ستوليچنىي-2» (اباي كوشەسى مەن   داڭعىلى قيىلىسىندا)، انيسا»، «انيسا-2»، «انيسا-3» (قورعالجىن تاسجولى)، «كوكتال-2» (تىلەنديەۆ داڭعىلى 50/1 ءۇي)، «ابات» (ە 181، 363 پەن 429 كوشەلەرى قيىلىسى)، «ابايدىڭ 150 جىلدىعى كوشەسى» (ابايدىڭ 150 جىلدىعى كوشەسى مەن 167 كوشەسى قيىلىسى) جانە № 23-31 جانە ا. بايتۇرسىنوۆ كوشەلەرى قيىلىسى اۋدانىنداعى تۇرعىن كەشەنى كوپ پاتەرلى تۇرعىن كەشەندەرىن سالۋشى بولىپ تابىلادى.

2013-2015 -جىلدار ارالىعىندا «تولەندى» كومپانياسى پاتەرلەردى ەكى مارتە ساتىپ، جوعارىدا اتالعان تۇرعىن كەشەندەرى قۇرىلىسىنىڭ مەرزىمى بويىنشا مىندەتتەمەلەردى بۇزعان.

«وسىعان بايلانىستى، ازاماتتاردىڭ «تولەندى» ت ق ك سالعان تۇرعىن كەشەندەردەن پاتەرلەردى ساتىپ الماۋىن سۇرايمىز. «سەنتر پروداج №1» ج ش س باسشىلىعىنا، جىلجىمايتىن مۇلىك اگەنتتىكتەرى مەن استانا قالاسىنىڭ دەلدالدارىنا (ريەلتورلارىنا) قىلمىستىق ءىس بويىنشا ناقتى پروتسەسسۋالدى شەشىم قابىلداۋعا دەيىن «تولەندى» ت ق ك پاتەرلەرىن ساتۋ بويىنشا كونسالتينگتىك قىزمەتتەردەن باس تارتۋعا كەڭەس بەرەمىز»، - دەلىنگەن حابارلامادا.

قۇرىلىس سالۋشىعا قاتىستى ناقتى پروتسەسسۋالدى شەشىم قابىلداۋ ءۇشىن، سوتقا دەيىنگى تەرگەۋ ورگانى «تولەندى» تقك سالۋشىسىنىڭ ارەكەتىنەن زارداپ شەككەندەر، سونداي- اق ىسكە ماڭىزدى ءمان- جايدى بىلەتىن ازاماتتار استانا قالاسى ىشكى ىستەر دەپارتامەنتىنە 71-62-13, 71-60-10, 8-702-438-67-67 تەلەفون نومىرلەرى بويىنشا حابارلاسۋعا بولادى.

  

اۆتور: جاسۇلان جولدىبايەۆ