قۇجات چارتەرلىك ۇشۋلارعا تىيىم سالعان 2015 -جىلعى 30 - قاراشاداعى ۇكىمەت قاۋلىسىنا وزگەرىستەر ەنگىزەدى.
«تۇرىك رەسپۋبليكاسىمەن تۇراقتى اۋە قاتىناستارىن جۇزەگە اسىرۋدا كولىك (اۆياتسيالىق) قاۋىپسىزدىگىن قامتاماسىز ەتۋگە باعىتتالعان قوسىمشا شارالار قابىلدانسىن»، - دەلىنگەن ۇكىمەت سايتىندا جاريالانعان قاۋلىدا.
قۇجاتتا سونداي- اق اۆياتاسىمالداۋشىلارعا قاۋىپسىزدىكتىڭ قوسىمشا شارالارىن قامتاماسىز ەتۋدى ۇسىنعان تاپسىرما بەرىلگەن.
رەسەي پرەزيدەنتى ۆلاديمير پۋتين 30- ماۋسىمدا تۇركياعا قاتىستى ارنايى شارالارعا تۇزەتۋلەر ەنگىزگەن جارلىققا قول قويدى. تىكەلەي ەكى شەكتەۋ - تۇركياعا تۋرلار ساتۋدان باس تارتۋ تۋرالى ۇسىنبا جانە چارتەرلىك اۆياتاسىمالدارعا تىيىم الىنىپ تاستالدى. توعىزىنشى تامىزدا پۋتين تۇركيا پرەزيدەنتى رەجەپ تايىپ ەردوعانمەن كەزدەسۋدە چارتەرلىك تاسىمالداردى قالپىنا كەلتىرۋ ماسەلەسى «تەحنيكانىڭ ءىسى» دەپ اتادى.
«رەسەيلىك اۆياتسيا بيلىگى تۇركياعا چارتەرلىك ۇشۋلاردى جۇزەگە اسىرۋ، سونىڭ ىشىندە رەسەيلىك اۆياكومپانيالارعا ءتيىستى رۇقسات بەرۋدى باستاۋ ءۇشىن قاجەتتى جاعدايلاردى كىدىرتپەي قامتاماسىز ەتۋگە ءازىر»، - دەپ مالىمدەدى كولىك ءمينيسترى ماكسيم سوكولوۆ.
كولىك مينيسترلىگىندە قازىردىڭ وزىندە رەسەيلىك كومپانيالارعا جەدەلحاتتار جىبەرىلگەنىن اتاپ ءوتتى، ال ولار ءوز كەزەگىندە رەسەي اۆياتسياعا ءوتىنىش بەرۋگە كىرىستى.