قىتايدىڭ قىمبات قازىناسى
«قىتايمان تانىسۋ» دەپ اتالاتىن اۋقىمدى شارالار ۇلى جىبەك جولى بويىنداعى بارىس- كەلىستەردى جاڭعىرتۋعا باعىتتالعان.
ءبىر جاعىنان الماتى قالاسىنىڭ 1000 جىلدىعىنا ارنايى ارتىنىپ- تارتىنىپ كەلگەن كورشىلەرىمىز حىنان، حۋبىي، سىچۋان پروۆينتسيالارىنىڭ سالەمى مەن ءداستۇرىن، ونەرى مەن مادەنيەتىنىڭ بولشەگىن كوتەرە كەلدى دەسە دە بولادى.
اپتا باسىندا الماتىدا وسىناۋ ۇلكەن وقيعا قازاقستاندىق ب ا ق وكىلدەرىمەن كەزدەسۋدەن باستالدى. دۇيسەنبىگە دەيىن جالعاساتىن «قىتايمەن تانىسۋ» باعدارلاماسى اياسىندا تۋريستىك كورمەلەر، فولكلورلىق كونسەرتتەر، كۋنگ- فۋ شەبەرلەرىنىڭ ويىندارى ساتىمەن سالتانات قۇرۋدا.
سونىڭ ىشىندەگى ماڭىزدى وقيعانىڭ ءبىرى - الماتىداعى ۇلتتىق كىتاپحانادا ق ح ر مەملەكەتتىك كەڭەسىنىڭ باسپاءسوز- كەڭسەسى، ق ح ر چۋنتسين قالاسىنىڭ حالىق ۇكىمەتى باسپاءسوز- كەڭسەسى، حىنان، حۋبي جانە سىچۋان (ق ح ر) ايماقتارىنىڭ وكىلدەرى بىرىگە وتىرىپ جۇزەگە اسىرعان «دانالىق. ءومىر - قىتايدا زياتكەرلىك دەڭگەيدە جاسالعان-2016» كورمەسى. ءارى وسىناۋ شارا اياسىندا «قىتاي مادەنيەتى مەن ادەبيەتى زالى» اشىلدى.
اۋىز تولتىرىپ ايتۋعا تۇرارلىق تۇساۋكەسەر بارىسىندا قىتاي پاۆيلونىنا كورشىلەرىمىز 9 مىڭعا جۋىق قۇندى كىتاپتار مەن قىتاي مادەنيەتىن ايگىلەپ تۇراتىن بۇيىمدار سىيلادى.
الماتىداعى قىتاي حالىق رەسپۋبليكاسى باس كونسۋلدىعىنىڭ قولداۋىمەن وتكەن كورمە مۇنان بىلايعى جەردە قىتاي پاۆيلونىندا تۇراقتى ورىن الادى.
ەندىگى جەردە «قىتاي مادەنيەتى مەن ادەبيەتى زالى» قازاقستاندىقتارعا كورشى ەل تۋرالى، ونىڭ مادەنيەتىن، تاريحىن، سالت- ءداستۇرىن كوبىرەك بىلۋگە كومەكتەسەدى. زالدا تۇرمىستىق زاتتار، مۋزىكالىق اسپاپتار، ءارتۇرلى باعىتتار بويىنشا ادەبيەتتەر: انىقتامالىق- ەنتسيكلوپەديالىق باسىلىمدار، سوزدىكتەر، قىتاي ءتىلىن ۇيرەنۋگە ارنالعان وقۋلىقتار، قىتاي تۋرالى تانىسۋ ادەبيەتتەرى قويىلدى.
مۇنان دا بولەك ۇلتتىق كىتاپحانادا «Smart life - Created in China-2016» قىتاي حالىق رەسپۋبليكاسىنىڭ عىلىمي جانە يندۋستريالىق جەتىستىكتەرىنىڭ كەڭ اۋقىمدى اقپاراتتىق كورمەسى وتۋدە.
«پاراساتتىلىق ادامداردى باقىتتى ەتەدى، ادامدارعا الەمدى جاقسى تۇسىنۋگە كومەكتەسەدى جانە ءومىرىن جاقسى جاققا وزگەرتەدى» اتتى كورمەنىڭ تاقىرىبى ەكسپو-2017 قارساڭىندا وتە وزەكتى. بۇل كورمە كورشىلەرىمىزدىڭ ەنەرگيا ۇنەمدەۋ، «جاسىل» ەنەرگەتيكا سالاسىنداعى جانە عىلىم مەن تەحنيكا يننوۆاتسيالارىنىڭ قورشاعان ورتاعا زيانسىزدىعىن كورسەتۋدى ماقسات تۇتادى.
قازاق تاراپى ىقىلاسپەن قارسى العان شارادا ق ك پ و ك ناسيحاتتاۋ ءبولىمى مەڭگەرۋشىسىنىڭ ورىنباسارى باستاعان ق ح ر دەلەگاتتارى، ق حر مەملەكەتتىك كەڭەسى باسپاءسوز- كەڭسەسى باسشىسىنىڭ ورىنباسارى سۋي يۋۋي ين، ق ح ر مەملەكەتتىك كەڭەسى سىرتقى ىستەر باسقارماسى باسشىسىنىڭ ورىنباسارى جاو شۋن گۋو، چۋڭشيڭ قالاسىنىڭ حالىق ۇكىمەتى ءباسپاسوز- كەڭسەسىنىڭ باسشىسى جوۋ بو مىرزالار ءسوز سويلەپ، بۇل باستامالار ەكى ەلدىڭ تاتۋلىعىنا قىزمەت ەتەدى دەدى.
ايناش ەسالي،
«ەگەمەن قازاقستان»