دۇنيەجۇزىلىك كوشپەندىلەر ويىندارىنىڭ اشىلۋىندا مىڭداعان قومىزشىلار «ماش بوتويدى» ورىندايدى

بۇل تۋرالى «ايگينە» مادەني- زەرتتەۋ ورتالىعىنان ءمالىم ەتتى، دەپ حابارلادى كيرتاگ.

اقپاراتقا سايكەس II دۇنيەجۇزىلىك كوشپەندىلەر ويىنىنىڭ اشىلۋىندا ونەر كورسەتۋ ءۇشىن «ەن بەلگي» انسامبلى قۇرىلدى. قازىر ەلدىڭ بارلىق وڭىرلەرىندە دايىندىق ءجۇرىپ جاتىر.

كەشە ي. ارابايەۆ اتىنداعى قىرعىز مەملەكەتتىك ۋنيۆەرسيتەتىندە بىشكەك، جانە شۋدىڭ انسامبل توپتارى ورتاق دايىندىق وتكىزدى. وعان قالالىق № 1، 2، 3، 5، 8، 7 مۋزىكالىق مەكتەپتەرى، سونداي-اق لەبەدينوۆكا جانە بەلوۆودسكوە اۋىلدارىنىڭ مۋزىكالىق مەكتەپتەرى قاتىستى.

ەسكە سالساق، II دۇنيەجۇزىلىك كوشپەندىلەر ويىندارى ىستىقكولدە 2016 -جىلعى 3-8 -قىركۇيەك ارالىعىندا وتەدى.