الماتى وبلىسىنداعى جول- كولىك اپاتىنان موتوتسيكلشى قازا تاپتى
09:33, 24 - تامىز 2016
تالدىقورعان. قازاقپارات - الماتى وبلىسىنداعى جول- كولىك اپاتىنان 35 جاستاعى موتوتسيكلشى قازا تاپتى.
وقيعا 23 - تامىز كۇنى الماتى- وسكەمەن تاس جولىنىڭ 233- شاقىرىمىندا، تۇسكى ەكى شاماسىندا بولعان.
مەرسەدەس- بەنتس اۆتوكولىگىنىڭ جۇرگىزۋشىسى بۇرىلعالى تۇرعان تىركەمەسى بار موتوتسيكلدى قاعىپ كەتكەن.
وقيعا ورنىنا جول- كولىك اپاتىنىڭ سەبەبىن انىقتايتىن ساراپشىلار جىبەرىلدى.
بۇل ورىن ەل اراسىندا «جانايدار اسۋى» دەپ اتالادى. ءدال وسى جەردە بىرنەشە جىل بۇرىن جەرگىلىكتى بيزنەسمەن جانايدار ەگىنبايەۆ جەڭىل تىكۇشاعىمەن وپات بولعان ەدى.