قازاقستان مەن پولشا جاھاندىق كۇن ءتارتىبى بويىنشا ءبىرىڭعاي ۇستانىمدا - نۇرسۇلتان نازاربايەۆ
15:22, 23 - تامىز 2016
استانا. قازاقپارات - ق ر پرەزيدەنتى نۇرسۇلتان نازاربايەۆ پولشا رەسپۋبليكاسىنىڭ پرەمەر- ءمينيسترى بەاتا شيدلومەن كەزدەستى، دەپ حابارلادى اقوردانىڭ باسپا ءسوز قىزمەتى.
كەزدەسۋ بارىسىندا ەكىجاقتى ىنتىماقتاستىقتىڭ ساۋدا- ەكونوميكالىق، ساياسي جانە مادەني- گۋمانيتارلىق سالالارداعى ءوزارا ءىس- قيمىلدى قامتيتىن نەگىزگى باعىتتارى تالقىلاندى.
نۇرسۇلتان نازاربايەۆ جاھاندىق كۇن تارتىبىندەگى ماسەلەلەر جونىندە ەكى ەل ۇستانىمىنىڭ ورتاقتىعى قازاقستان- پولشا ديالوگىن جۇيەلى تۇردە ءوربىتۋ ءۇشىن قولايلى نەگىز بولاتىنىن اتاپ ءوتتى.
ب. شيدلو استانامەن ءوزارا ءتيىمدى ىنتىماقتاستىقتى دامىتۋ پولشانىڭ ورتالىق ازياداعى سىرتقى ساياسي باعدارىنىڭ باسىمدىعى بار باعىتى ەكەنىن ايتتى.