ءبىلىم مينيسترلىگى: وقۋلىقتار مەكتەپتەرگە ۋاقتىلى جەتكىزىلەدى

استانا. قازاقپارات - ق ر ءبىلىم جانە عىلىم مينيسترلىگى وقۋلىقتاردىڭ جونەلتىلۋى مەن جەتكىزىلۋىنە كۇندەلىكتى مونيتورينگ جۇرگىزۋدە.

بۇل تۋرالى «قازاقپارات» ح ا ا- نىڭ رەسمي ساۋالىنا جاۋاپ بەرگەن ق ر ءبىلىم جانە عىلىمي مينيسترلىگىنىڭ باسپا ءسوز حاتشىسى ايگەرىم الىبەكوۆا ءمالىم ەتتى.

«باسپالار مەن جەرگىلىكتى اتقارۋشى ورگانداردىڭ مالىمەتتەرىنە سايكەس وقۋلىقتاردى جونەلتۋ جانە جەتكىزۋ 20 -تامىزدا اياقتالادى. سوعان وراي 25 -تامىزعا دەيىن بارلىق مەكتەپتەرگە وقۋ- ادىستەمەلىك كەشەندەر مەن وقۋلىقتار تولىق كولەمدە جەتكىزىلەدى. وقۋلىقتار مەن وقۋ- ادىستەمەلىك كەشەندەرمەن قامتاماسىز ەتۋ پروتسەسى كەستەگە سايكەس جۇرگىزىلۋدە»، - دەدى ول قازاقپارات تىلشىسىنە.

مينيسترلىك مالىمەتتەرىنە سايكەس، 17 -تامىزدا پاۆلودار، سولتۇستىك قازاقستان، جامبىل، قوستاناي، قاراعاندى،  قىزىلوردا، ماڭعىستاۋ وبلىستارىنا، استانا مەن الماتى قالالارىنا وقۋلىقتار 100 پايىز جەتكىزىلدى. جالپى، رەسپۋبليكا بويىنشا مەكتەپتەردىڭ وقۋلىقتار مەن وقۋ- ادىستەمەلىك كەشەندەرمەن قامتاماسىز ەتىلۋى 90 پايىزدى قۇرايدى.

اۆتور: مارلان جيەمباي