جۇيكەڭىز سىر بەرە باستادى ما؟ ەندەشە بىلە ءجۇرىڭىز

استانا. قازاقپارات - جۇيكە جۇيەسى - بۇل ادام دەنەسىنىڭ ماڭىزدى جانە كۇردەلى بولىگى.

ول ءومىردىڭ بارلىق قىرىن باقىلايتىن ۇلكەن جەلى ىسپەتتى.

اس قورىتۋ، سەزۋ، سەزىنۋ، تىنىس الۋ وسىنىڭ بارلىعى جۇيكە جۇيەسىنىڭ كۇردەلى فۋنكتسيالارى. جۇيكە جۇيەسىنىڭ زاقىمدانۋى باس اۋرۋى، كونسەنتراتسيالىق قيىندىقتار، تەردىڭ شامادان تىس ءبولىنۋى سىندى اۋرۋلارعا الىپ كەلەدى. قالانىڭ كۇندىلىكتى كۇيبەڭ تىرشىلىگىنەن شارشاعان ادامداردىڭ كوكەيىندە، جۇيكە جۇيەسىن قالاي نىعايتۋعا بولادى؟ - دەگەن سۇراقتىڭ بارى انىق. بۇل سۇراققا جاۋاپ تاپقىڭىز كەلسە تومەندەگى كەڭەستەردى وقىپ كورىڭىز.

1. سترەسستى ازايتۋ

ادامنىڭ جۇيكە جۇيەسى پاراسيمپاتيكالىق جانە سيمپاتيكالىق بولىپ ەكىگە بولىنەدى. ءبىرىنشىسى اعزا تىنىققان كەزدە جۇمىسقا كىرىسەدى. وسى ساتتە اس قورىتۋ، ۇيقى سياقتى اعزانى قالپىنا كەلتىرۋ كەزەڭدەرى جۇرەدى. ال، سيمپاتيكالىق جۇيكە جۇيەسى اعزا ءىس- قيمىلعا كىرىسكەندە ارەكەت ەتەدى.

ءبىز ۇنەمى سترەسستە جۇرگەن كەزدە سيمپاتيكالىق جۇيكە جۇيەسى بەلسەندى تۇردە جۇمىس ىستەيدى. ءبىراق دەنە ۇزاق ۋاقىت بۇنداي كۇيدە جۇرە المايدى. وسىلايشا، جۇيكە جۇيەسى شارشايدى. ناتيجەسىندە، ۇيقىسىزدىق، ءجيى سۋىق تيۋ جانە باسقا دا جاعىمسىز اسەرلەر پايدا بولادى.

سيمپاتيكالىق جۇيكە جۇيەسىدە تىنىعۋ قاجەت، سوندىقتان سترەسستەن اۋلاق بولۋ قاجەت.

2. تىنىس الۋ جاتتىعۋلارى

تىنىس الۋ جاتتىعۋلارى پاراسيمپاتيكالىق جۇيكە جۇيەسىنىڭ قىزمەتىنە جاقسى جاعداي جاسايدى. بىلايشا ايتقاندا، ارنايى تىنىس الۋ جاتتىعۋلارى دەنەڭىزدى دەمالۋعا جانە ءوزىنىڭ ەمدىك قابىلەتىن وياتۋعا بەلگى بەرەدى.

تىنىس الۋ جاتتىعۋلارى يوگانىڭ اجىراماس بولىگى بولىپ تابىلادى. جۇيكە جۇيەسىن نىعايتۋدىڭ باسقا دا جولدارىن ىزدەسەڭىز يوگاعا جازىلىڭىز. ويتكەنى، وسى تاجيىربە مىڭداعان جىلدار بويى ءوزىنىڭ وڭ ناتيجەلەرىن بەرگەن.

3. جۇيكە جۇيەسىنىڭ ديەتاسى

تابيعي جولمەن جۇيكە جۇيەسىن نىعايتۋدىڭ ەڭ جاقسى جولى - پايدالى تاعامداردى جەۋ.

جۇيكە جۇيەسى قورەكتىك زاتتار، دارۋمەندەر مەن مينەرالداردى كوپ تالاپ ەتەدى. اتاپ ايتقاندا، ومەگا-3 جانە پايدالى مايلار، D دارۋمەنى مەن ۆ توبىنداعى دارۋمەندەر جانە ماگنيي.

4. جاياۋ سەرۋەندەۋ

تابيعات اياسىندا 30 مينۋت جاياۋ سەرۋەندەۋ جۇيكە جۇيەسىنە وتە ءتيىمدى اسەر ەتەدى. اسىرەسە، تاڭعى ۋاقىتتا سەرۋەندەۋ پايدالى.

5. ماسساج

جۇيكە جۇيەسىن نىعايتۋدىڭ وتە جاقسى ءتاسىلى. تۇراقتى تۇردە ماسساج جاساتۋ پاراسيمپاتيكالىق جۇيكە جۇيەسىنىڭ دەمالۋىنا كومەكتەسەدى.

 

دەرەك كوزى: anabol.kz