جولبارىس زووباق قىزمەتكەرىن قابىلاننان قۇتقاردى
08:41, 20 - تامىز 2016
استانا. قازاقپارات - «مەحيكوداعى «تەڭبىلشەر، اق جولبارىستار» زووباعىندا وقىس وقيعا ورىن الدى. زووباق قىزمەتكەرى ەدۋاردو سەريو دارما اتتى قابىلاننىڭ جەمتىگىنە اينالۋعا ءسال- اق قالدى.
ونى جولبارىس ازتلان اجالدان قۇتقاردى.
ەدۋارد جىرتقىشتار تىرشىلىك كەشەتىن قورشاۋعا ءجيى كىرىپ، ونداعى اڭداردى باعىپ- قاعاتىن، ەركەلەتەتىن. ءبىراق جاقىندا ونىڭ اڭدارمەن كەزەكتى قاتىناسىنىڭ سوڭى قايعىمەن اياقتالا جازدادى.
ەدۋاردو سەريو 6 اق ارىستانمەن بولعان ساتتە دارما وعان شابۋىل جاساماققا ارەكەتتەنگەن. ارىستاندارمەن اينالىسىپ جاتقان سەريو تۋ سىرتىنان اقىرىنداپ كەلە جاتقان قابىلاندى بايقاماي دا قالدى.
ازتلان قابىلان ادامعا اتىلعان ساتتە ونى اياعىنان قاعىپ قۇلاتتى.