قىزىلوردا وبلىستىق قازاقستان حالقى اسسامبلەياسىنىڭ باسشىسى الەكساندر زايچيكوۆكە قوبىز تارتۋ ەتتى
قىزىلوردا وبلىستىق ق ح ا حاتشىلىعىنىڭ باسشىسى ءلايلا تورەشوۆا وليمپيادا جۇلدەگەرىن جەڭىسىمەن قۇتتىقتاپ، بۇل جەڭىس ەلىمىز ءۇشىن زور ماڭىزى بار ەكەنىن جانە قازاقستان قورجىنىن تاعى ءبىر مەدالمەن تولىقتىرىپ، حالقىنا قۋانىش سىيلاعانىن ايتىپ، توكيودا وتەتىن كەلەسى وليمپيادادا التىننان القا تاعىپ، ەل مەرەيىن وسىرەتىنىنە سەنىم ءبىلدىرىپ، ساتتىلىك تىلەدى.
ەل ماقتانىشىنا اينالعان ا. زايچيكوۆ وزىنە قولداۋ بىلدىرگەن بارشا سىر جۇرتشىلىعىنا العىسىن ءبىلدىرىپ، وليمپياداداعى اسەرلەرىمەن ءبولىستى. وبلىستىق اسسامبلەيانىڭ جانە انالار كەڭەسىنىڭ مۇشەلەرى سىردىڭ ساڭلاق ۇلانىنا اق تىلەكتەرىن جەتكىزدى.
شارا سوڭىندا وبلىستىق اسسامبلەيا حاتشىلىعىنىڭ باسشىسى ل. تورەشوۆا قاسيەتتى قوبىزدى سىيعا تارتا وتىرىپ، قورقىت بابا ءاردايىم ءوزىڭدى قولداپ ءجۇرسىن دەگەن ىستىق لەبىزىن ءبىلدىردى.
اۆتور: ەلۋباي اۋەزوۆ