قازاقستاندا بيىل التى تۇرمە جابىلادى
بۇل تۋرالى بۇگىن ق ر ىشكى ىستەر مينيسترلىگىنىڭ قىلمىستىق- اتقارۋ جۇيەسى كوميتەتى ءتوراعاسىنىڭ ورىنباسارى ازامات بازىلبەكوۆ ءمالىم ەتتى.
«راسىندا، قازاقستانداعى تۇزەۋ مەكەمەلەرىنىڭ باسىم بولىگى حالىقارالىق ستاندارتتارعا ساي كەلمەيدى. سەبەبى ولار بىزگە سوناۋ گۋلاگ زامانىنان مۇراعا قالعان. ول كەزدە ولار نەگىزىنەن قاراعاندى وبلىسىندا كوپ شوعىرلاندى»، - دەيدى ول ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.
ونىڭ ءسوزى بويىنشا، ۇكىمەت جانە ءى ءى م تۇزەۋ مەكەمەلەرىندەگى جاعدايدى جاقسارتۋ بويىنشا جۇمىستاردى اتقارۋدا.
«جوندەۋ جانە جاڭعىرتۋ جۇمىستارى قولعا الىندى. سوڭعى ءۇش جىلدا ءتورت تۇزەۋ مەكەمەسى تولىقتاي جوندەلدى. اعىمداعى جىلى تاعى بىرەۋى جوندەلەدى. بۇل تۇرمەلەردىڭ بارلىعى حالىقارالىق نورمالارعا ساي كەلەدى جانە ءاربىر سوتتالۋشىنى جەكە- جەكە ورنالاستىرۋعا مۇمكىندىك بەرەدى. بۇل سوتتالۋشىلاردىڭ قاۋىپسىزدىگىن قامتاماسىز ەتەتىن ەڭ ءبىرىنشى شارت.
سونىمەن قاتار مەكەمەلەردى قىسقارتۋ، وڭتايلاندىرۋ جانە ولاردى جابۋ بويىنشا شارالار قابىلدانۋدا. ەكى جىلدىڭ ىشىندە ءبىز ەكى مەكەمەنى جاپتىق جانە اعىمداعى جىلى تاعى التاۋىن جابامىز»، - دەپ اتاپ ءوتتى ا. بازىلبەكوۆ.
اۆتور: جاسۇلان جولدىبايەۆ