لي كۋان يۋ: مەن بيلىككە كەلىپ، جۇلدىزىم جانعان كەزدە الدىمدا ەكى باعىت تۇردى
لي كۋان يۋدىڭ ءار سۇحباتى ەكسكليۋزيۆ. وقىپ كورىڭىز.
- ءسىزدىڭ قانداي ماقساتىڭىز بولدى؟
- بۇرىن، مەن بيلىككە كەلىپ، جۇلدىزىم جانعان كەزدە الدىمدا ەكى باعىت تۇردى. ءبىرىنشىسى: قۇلقىمنىڭ قامىن جاساپ، بايىپ- ءوزىمدى جانە تۋعان تۋىستارىمدى «Forbes» جۋرنالىنىڭ بەتىنە شىعارۋ ياعني حالقىمدى تاقىر جەرگە وتىرعىزىپ - ءوز باسىم شالقىپ ءومىر سۇرەتىن جاعدايعا جەتۋ بولاتىن.
ال ەكىنشىسى: حالقىما، وتانىما قىزمەت ەتىپ - ەلىمدى الەمنىڭ دامىعان مەملەكەتتەرىنىڭ قاتارىنا جەتكىزۋ ەدى. كورىپ وتىرعانىڭداي مەن ەكىنشى جولدى تاڭداپ، ماقساتىمدى ىسكە اسىردىم.
- ءيا وعان ءشۇبام جوق، ءسىز جاساعان اۋقىمدى رەفورمالاردىڭ ارقاسىندا سينگاپۋر از ۋاقىتتىڭ ىشىندە كوپتەگەن بەلەستى باعىندىردى. ايتپاقشى ءسىز باسقا ءبىر ەلدىدە وسىنداي دارەجەگە جەتكىزە الارما ەدىڭىز؟ ؟ مىسالى ءۇندى ەلىن...
- جوق، سەبەبى ۇندىستەر وزىندىك باعىت باعدارىن، سالت ءداستۇرىن بەرىك ۇستانىپ - ەجەلدەن كەلە جاتقان حالىق. ال ەسكىلىككە ابدەن ۇيرەنىپ، جاڭاشىلدىقتان جاسقاناتىن قاۋىمعا ەكونوميكالىق بولسىن، الەۋمەتتىك بولسىن ايتەۋىر كەز كەلگەن رەفورمانى ىسكە اسىرۋ اسا قيىن. نەگىزى الەمگە تانىمال گانديمەن نەرۋدىڭ ءبىرقاتار مۇمكىندىكتەرى بولعان، ءبىراق قانشا جەردەن تىرىسقانىمەن حالىقتىڭ قانىنا سىڭگەن تاپتىق جۇيەنى تۇبەگەيلى قۇرتۋعا ولاردىڭ شامالارى كەلمەدى. ال سينگاپۋر بولسا ەندى - ەندى اياققا تۇرعان، جاس بالا سىندى مەملەكەت ەدى. سوندىقتاندا ماعان اناعۇرلىم وڭايىراق بولدى...
(سينگاپۋردىڭ اكەسى اتانعان لي كۋان يۋمەن بولعان اڭگىمەدەن ءۇزىندى)
اۋدارعان: بۋراحان داكانوۆ