ەرلى-زايىپتىلار ءبىلۋى ءتيىس زىكىرلەر مەن دۇعالار

استانا. قازاقپارات - اق نەكەنى قيدىرىپ، ءبىر- بىرىنە «اۋىر سەرت» بەرگەن ەر مەن ايەل ەڭ العاشقى كۇننەن- اق ەكى دۇنيەدە باقىتتى بولۋدىڭ جولىن ىزدەيدى.

شاڭىراقتىڭ باياندى بولۋىن، ورتاداعى سۇيىسپەنشىلىك پەن سىيلاستىقتىڭ سارقىلماۋىن مىسە تۇتادى. مۇنىڭ كىلتى - جاراتۋشىمەن بولعان جاقسى قارىم- قاتىناستا. سەبەبى، بارلىق ءىستىڭ باسقارۋشىسى - اللا، جۇرەكتەردىڭ يەسى - اللا. ەر مەن ايەل اللاعا جاقىنداعان سايىن ءبىر- بىرىنە جاقىندايدى.

ال، زىكىر (اللانى ەسكە الۋ) -  قۇل مەن ونىڭ راببىسىنىڭ قارىم- قاتىناسىن رەتتەۋشى ۇلكەن قۇلشىلىق. ءابۋ ھۋرايرادان (ر. ا. ) جەتكەن حاديستە: «پايعامبارىمىز (وعان اللانىڭ يگىلىگى مەن سالەمى بولسىن): «وزگەلەردى جالعىز قالعاندار باسىپ وزدى»، - دەگەن ەكەن. ودان: «جالعىز قالعاندار كىمدەر؟»، - دەپ سۇرالعاندا: «اللانى كوپ ەسكە الۋشى ەرلەر مەن ايەلدەر»، - دەپ جاۋاپ بەرگەن (مۋسليم). «ادامدار اللانى ەسكە الىپ وتىرعاندا، ولاردى مىندەتتى تۇردە پەرىشتەلەر قورشاپ الادى جانە ولاردى مەيىرىم قورشايدى، ولارعا تىنىشتىق تۇسەدى جانە اللا تاعالا دا ولاردى ءوزىنىڭ الدىنداعىلاردىڭ اراسىندا ەسكە الادى» (مۋسليم).

سەن اللانى ەسكە الساڭ، ول سەنى ەسكە الادى! زىكىردىڭ قۇندىلىعىن جەتكىزۋ ءۇشىن وسى ءسوزدىڭ ءوزى ابدەن جەتكىلىكتى! الەمدەردىڭ راببىسىنىڭ ەسىندە بولۋدان ارتىق قانداي دارەجە بار؟ ! ەندەشە، وتباسى تىنىشتىعىنىڭ ۇيىتقىسى بولاتىن تومەندەگى دۇعالار مەن زىكىرلەردى كادەڭىزگە جاراتىڭىز.

ۇيلەنگەندە ايتاتىن دۇعا

«پايعامبارىمىز(وعان اللانىڭ يگىلىگى مەن سالەمى بولسىن) «ەگەر سىزدەردەن الدەبىرەۋ ۇيلەنسە نەمەسە قىزمەتشى جالداسا، بىلاي دەسىن: «ءيا، اللا! راسىندا، مەن وزىڭنەن ونىڭ يگىلىگىن ءارى سەن ونى نە ءۇشىن جاراتقان بولساڭ سونىڭ يگىلىگىن سۇرايمىن جانە ونىڭ كەسىرىنەن وزىڭە سيىنامىن!» «ءاللاھۋمما، ينني ءاس- الۋكا حايرا- ءھا ءۋا حايرا ءما ءجابالتا- ءھا ء'الايھي ءۋا ءا'ۋزۋ بيكا مين ءشارري- ءھا ءۋا ءشارري ءما ءجابالتا- ءھا ء'الايھي!»

ۇيلەنگەن كىسىگە ايتاتىن دۇعا:

«باراكا- للاھۋ لاكا، ءۋا باراكا 'الايكا، ءۋا ءجاما'ا بايناكۋما في حاير!»

«اللا ساعان بەرەكە بەرسىن جانە ساعان بەرەكە جاۋدىرسىن، ءارى سەندەردى جاقسىلىقتا بىرىكتىرسىن!»

جىنىستىق قاتىناسقا تۇسەردىڭ الدىندا ايتىلاتىن دۇعا

بالانى ءتىل- كوز جانە شايتاننىڭ كەسىرىنەن ساقتاعىسى كەلگەن ادام بالا پايدا بولماعان كەزدەن امال جاساۋى قاجەت. يبن ابباستىڭ سوزدەرىنەن اللا ەلشىسىنىڭ(وعان اللانىڭ يگىلىگى مەن سالەمى بولسىن) بىلاي دەگەنى جەتكىزىلەدى: «ەگەر سەندەردەن الدەبىرەۋىڭ ايەلىمەن جىنىستىق قاتىناس جاساعىسى كەلىپ: «اللانىڭ اتىمەن. ءيا، اللا، ءبىزدى شايتاننان اۋلاق ەت جانە سەنىڭ بىزگە بەرەتىنىڭنەن دە (بالادان) شايتاندى اۋلاق ەت»، - دەپ ايتسا، ءارى (سول) ەرلى- زايىپتىلارعا بالالى بولۋ ءناسىپ ەتىلسە، شايتان ەشقاشان وعان زيان تيگىزە المايدى».

 «بيسمي ءللاھي، ءاللاھۋمما، ءجاننيب- نا- ش- شايتانا ۋا ءجاننيبي- ش- شايتانا ما رازاقتا- نا».

پەرزەنت سۇرايتىن دۇعا

زاكاريا پايعامباردىڭ دۇعاسى: «راببىم! ماعان ءوز تاراپىڭنان ءبىر يگى ۇرپاق سىيلا. انىعىندا، سەن - تىلەكتى ەستۋشىسىڭ» («ءالي يمران» سۇرەسى، 38-ايات).

«راببي حاب لي مينلادۋنكا زۋررياتان ءتاييباتان ينناكا سامي ۋددۋاا»

ساليحالى ايەل مەن بالا سۇرايتىن دۇعا

«راببىمىز! جۇبايلارىمىزدى جانە ۇرپاقتارىمىزدى كوزىمىزدىڭ قۋانىشى ەت ءارى ءبىزدى تاقۋالاردىڭ (وزىڭە بويسۇنىپ، جازادان قورقىپ، ساقتانعانداردىڭ) الدى ەتە گور!».

«روب- ءبا- ءناا ءھاب- ءلا- ءناا مين ءاز- ءۋاا- دجي- ءناا ءۋا زۋر- ري- ءياا- تي- ءناا قۋر- رو- ءتا ءا- يۋ- نيۋ ءۋادج- ءحال- ءناا ليل- مۋت- ءتا- قيي- ءناا- ي- ءماا- ءماا»

ساليحالى ۇرپاق سۇرايتىن دۇعا

«راببىم! مەنى جانە ۇرپاعىمدى نامازدى (بارلىق شارتتارىن ساقتاپ، بەرىلە) تولىق ورىنداۋشى ەت. راببىمىز! تىلەگىمدى قابىل ال!» («يبراھيم» سۇرەسى، 40-ايات).

«روب- بيدج- ال- نيي مۋ- ءقييماس سو- ءلا- تيي ءۋاميڭڭ زۋر- ري- ءياتيي ءراببانا ءۋا- ءتاقاببال دۋ- ءاا- ي»

قىرسىق ايەلدىڭ، جامان دوستىڭ كەسىرىنەن اللاعا سىيىنۋ

ءابۋ ھۋرايرا (وعان اللا رازى بولسىن) بىلاي دەيتىن: «پايعامباردىڭ (وعان اللانىڭ يگىلىگى مەن سالەمى بولسىن) دۇعالارىنىڭ قاتارىندا مىنا (دۇعا) دا بار ەدى: «ءيا، اللا، اقيقاتىندا، مەن سەنەن جامان كورشىدەن، ونىڭ (كەسىرىنەن) شاشىم ۋاقىتىسىنان بۇرىن اعارىپ كەتەتىن ايەلدەن، ۇستىمنەن بي بولاتىن بالادان، مەن ءۇشىن ازاپقا اينالاتىن دۇنيەدەن، كوزى مەنى كورەتىن، ال جۇرەگى اڭدىپ وتىراتىن، ءارى ەگەر ول مەنەن ءبىر جاقسى نارسە كورسە، جاسىراتىن، ال ەگەر مەنەن جامان نارسە بايقاسا، جارياعا جار سالاتىن دوستان پانا سۇرايمىن» (تاباراني) (اللاھۋمما ينني ا'ۋزۋبيكا مين ءجاري سسۋ- ي، ۋا مين ءزاۋجين تۋشاييبۋني كابلا- ل- ءماشيب، ۋا مين ءۋالادين ياكۋنۋ ء'الايا راببان، ۋا مين ءمالين ياكۋنۋ 'اليايا 'ازابان، ۋا مين حاليلين ماكيرين 'اينۋحۋ تاراني ۋا قالبۋھۋ يار'اني ين را- ا حاساناتان دافاناھا، ۋا ءيزا را- ا ساياتان ازا'اھا).

بالانى بارلىق جاماندىقتان ساقتاۋدى سۇرايتىن دۇعا

بۇل دۇعانى دەم سالۋدان كەيىن، بالا سىرتقا شىعاردا، قوناققا بارعاندا، كەز كەلگەن ۋاقىتتا جاماندىقتان اللادان پانا سۇراۋ ءۇشىن وقىڭىز:

يبن ابباستان(وعان اللا رازى بولسىن). ول: «پايعامبار (وعان اللانىڭ يگىلىگى مەن سالەمى بولسىن) حاسان مەن حۋسەيندى پانا سۇراتىپ: «شىن مانىندە سەندەردىڭ بابالارىڭ (يبراھيم) مۇنىمەن يسمايل مەن يسحاقتى پانا سۇراتاتىن: ء«اۋزۋ بي كاليماتيللاھيت ءتامما، مين كۋللي شايتانين ءۋا ءھامماھ، ءۋا مين كۋللي اينيل- ءلامماھ ء(اربىر شايتاننان جانە ۋلى جاندىكتەردەن، سونداي- اق ءاربىر سۇق كوزدەن اللانىڭ كامىل سوزدەرىمەن پانا سۇرايمىن) » دەپ ايتاتىن»، - دەگەن. (بۇحاري).

ەر ادامنىڭ ءوز وتباسى مۇشەلەرى اۋىرعان كەزدە دەم سالۋى

ايشادان(وعان اللا رازى بولسىن) : «اللا ەلشىسى بىرەۋىمىز اۋىرساق، ونى وڭ قولىمەن سيپاپ: «ءازھيبيل- ءبا'سا، ءراببان- ءناس(ي) ، ءۋاشفي، ءانتاش- ءشافي، ءلا ءشيفا'ا ءيللا شيفا'ۋكا، ءشيفا'ان ءلا يۋعاديرۋ ساقاما(ن) (دەرتتى كەتىر، ادامداردىڭ راببىسى! شيپا بەر، سەن -  شيپا بەرۋشىسىڭ، سەنىڭ شيپاڭنان باسقا شيپا جوق. اۋرۋدى قالدىرمايتىنداي شيپا بەر)»، -  دەپ ايتاتىن.

ايشادان (وعان اللا رازى بولسىن) . اللا ەلشىسى(وعان اللانىڭ يگىلىگى مەن سالەمى بولسىن) ء«ازھيبيل- ءبا'سا، ءراببان- ءناس(ي) ، بياديكاش- ءشيفا(ۋ) ، ءلا كاشيفا ءلاھۋ ءيللا ءانت(ا) (دەرتتى كەتىر، ادامداردىڭ راببىسى! شيپا سەنىڭ قولىڭدا، سەنەن وزگە ونى كەتىرۋشى جوق)» (دەگەن) سوزبەن دەم سالاتىن ( مۋسليم) .

اللادان جان بايلىعىن ءارى ماتەريالدىق بايلىقتى سۇرايتىن دۇعا

يبن ماسعۇد(وعان اللانىڭ يگىلىگى مەن سالەمى بولسىن) اللا ەلشىسىنىڭ (وعان اللانىڭ يگىلىگى مەن سالەمى بولسىن) بىلاي دەپ ءجيى ايتاتىنىن ەستىگەن: «ءيا، اللا، راسىندا، مەن سەنەن سەنىڭ باسشىلىعىڭدى، تاقۋالىقتى، (كۇنادان جامان قىلىقتاردان) پاكتىكتى جانە بايلىقتى سۇرايمىن» . (مۋسليم) (اللاھۋمما، ينني اسااليۋكال- ھۋدا، ۋا تۋقا، ۋال- افافا ۋالعينا)

جوقشىلىقتان، اۋرۋ- سىرقاۋدان سىيىنۋ

ءيا، اللا! تانىمە ساۋلىق بەر! ۋا، اللا! ەستۋىمە ساۋلىق بەر! ۋا، اللا! جانارىما ساۋلىق بەر! سەنەن باسقا ەشبىر قۇداي جوق. ۋا، اللا! مەن كۇپىرلىك پەن جوقشىلىقتان وزىڭە سىيىنىپ، پانا سۇرايمىن. سونداي- اق ءقابىر ازابىنان وزىڭە سىيىنىپ، پانا سۇرايمىن. سەنەن باسقا ەشبىر قۇداي جوق.

«اللاھۋمما افيني في ءباداني، اللاھۋم- ءما افيني في ءسامي، اللاھۋمما افيني في ءباساري، ءلا ءيلاھا ءيللا ءانت. اللاھۋمما ينني ءاۋزۋ بيكا ءمينال- كۋفري ءۋال- ءفاقري، ءۋا ءاۋزۋ بيكا مين ءازابيل- قابري، ءلا ءيلاھا ءيللا ءانت» .

كەدەيلىكتەن، جامان مىنەزدەن سىيىنۋ

ءيا، اللا! مەنىڭ ءدىنىمدى دۇرىس، ءۇيىمدى كەڭ، ريزىعىمدى بەرەكەلى قىلعايسىڭ. ۋا، اللا! قاتىگەزدىكتەن، بەيقامدىقتان، قورلىقتان جانە كەدەيلىكتەن وزىڭە سىيىنىپ، پانا سۇرايمىن. ۋا، اللا! كاپىرلىكتەن، پاسىقتىقتان، ماقتانشاقتىقتان، سۇمعادان جانە ريادان وزىڭە سىيىنىپ، پانا سۇرايمىن. ۋا، اللا! كەرەڭ، ساقاۋ، الاپەس بولۋىمنان جانە جامان اۋرۋلاردان وزىڭە سىيىنىپ، پانا سۇرايمىن.

«اللاھۋمما ءاسليح لي ديني ءۋا ءۋاسسي لي ءداري، ءۋا باريك لي في ريزقي. اللاھۋمما ينني ءاۋزۋ بيكا ءمينال- قاسۋاتي ءۋال- ءعافلاتي ءۋاز- ءزۋللاتي ءۋال- ماسكاناتي، ءۋا ءاۋزۋ بيكا ءمينال- كۋفري، ءۋال- فۋسۋقي ءۋاش شيقاقي ءۋاس- سۋماتي ءۋار- ريا- ي ءۋا ءاۋزۋ بيكا ءميناس- سۋممي ءۋال- بۋكمي ءۋال- ءجۋزامي ءۋا ءساي- ييل- ءاسقام».

ريزىق سۇراۋ

ءيا، اللا! كوبەيتە گور، كەمىتپە، سىيلى قىل دا، بەيشارا قىلما، بەرە گور دە، تىيا كورمە، ءبىزدى تاڭدا دا، قۇر قالدىرما. ۋا، اللا! بارلىق ىستەرىمنىڭ سوڭىن جاقسارت. دۇنيە قورلىعىنان جانە اقىرەت ازابىنان قۇتقار.

«اللاھۋمما ءزيدنا ءۋا ءلا ءتانقۋسنا، ءۋا اكريمنا ءۋا ءلا ءتۋھيننا، ءۋا ءاتىينا ءۋا ءلا ءتاحريمنا، ءۋا ءاسيرنا ءۋا ءلا تۋ- ءاسسير ءالاينا. اللاھۋمما ءاحسين ءاقيباتانا فيل- ۋمۋري كۋلليھا، ءۋا ءاجيرنا مين حيزيد- دۋنيا ءۋا ءازابيل- ءاحيرا».

بازارعا كىرگەندە ايتاتىن دۇعا

اللا ەلشىسى (وعان اللانىڭ يگىلىگى مەن سالەمى بولسىن) ايتتى: «كىمدە- كىم بازارعا كەلىپ: «اللادان باسقا ەشبىر ءتاڭىر جوق، ول جالعىز جانە ونىڭ سەرىگى جوق. مۇلىك وعان ءتان جانە ول بارلىق ماقتاۋعا لايىق. ول ولتىرەدى جانە تىرىلتەدى، ال ءوزى ەشقاشان ولمەيتىن ءتىرى. جاقسىلىق ونىڭ قولىندا جانە ونىڭ كۇش- قۇدىرەتى بارىق نارسەگە تولىق جەتەدى» دەپ ايتسا، اللا وعان ميلليون ءىستىڭ ساۋابىن جازادى جانە ونىڭ بويىنداعى ميلليون كۇنانى كەشىرەدى، ونى ميلليون باسپالداققا كوتەرەدى جانە ءجانناتتان ءۇي تۇرعىزادى دەگەن.

«ءلا ءيلاھا ءيللاللاھۋ ۋاحداھۋ ءلا شاريكا ءلاھۋ. ءلاھۋل- مۋلكۋ ءۋا ءلاھۋل- حامدۋ، يۋحيي ءۋا يۋميت، ءۋا ءھۋۋا حايۋن ءلا ءيامۋت، بياديھيل- حاير، ءۋا ءھۋۋا ءالا كۋللي ءشاي- ين قادير» (تيرميزي، يبن ءماجاھ) .

ىدىس- اياقتىڭ بەتىن جاۋىپ جۇرىڭىزدەر

ءجابير جەتكىزگەن حاديستە اللا ەلشىسىنىڭ (وعان اللانىڭ يگىلىگى مەن سالەمى بولسىن): «ەگەر ءتۇن بولسا» (نەمەسە «ءتۇن كەلسە»)، - دەپ اڭگىمەسىن باستاپ ءارى قاراي «بالالارىڭىزدى جاتقىزىڭىزدار، سەبەبى سول كەزدە شايتان ءورىپ كەتەدى. ءتۇننىڭ ءبىر ساعاتى وتكەننەن كەيىن بالالاردى دەمالدىرىپ، ەسىكتىڭ ىلمەشەگىن ءىلىپ، اللانىڭ ەسىمىن اۋزىڭا ال. سوسىن شامدى ءوشىرىپ، تاعى دا اللانىڭ ەسىمىن اۋزىڭا ال. قاپشىقتىڭ اۋزىن كىمتاپ، اللانىڭ ەسىمىن اۋزىڭا ال. ىدىستىڭ بەتىن جاۋىپ، اللانىڭ ەسىمىن اۋزىڭا ال. ءتىپتى بۇل امالدى ورىنداۋعا ءبىر نارسە بوگەت بولسا دا ونى ورىنداۋ كەرەك» - دەگەنى ريۋايات ەتىلگەن.

حاديسكە ساي، كەشكە اۋزى اشىق ىدىستاردى جاۋىپ ءجۇرىڭىز. اۋزى جابىلمايتىن ىدىسقا زات سالساڭىز، نە ۇمىتىپ كەتسەڭىز، ۇستىنە قولىڭىزدى قويىپ، «ءبيسميللاھ» دەپ ايتىڭىز.

ناماز - وتباسىنىڭ ەڭ ۇلى قورعانى!

اللا تاعالا بىلاي دەدى: «ءۇي- ءىشىڭدى نامازعا بۇيىر جانە ءوزىڭ دە ونى سابىرلىلىقپەن ورىندا. ءبىز سەنەن ريزىق تىلەمەيمىز. وتكەنى ءبىز ءوزىمىز سەنى ريزىقتاندىرامىز. سوڭعى تابىس تاقۋالىقتا» («تا ھا» سۇرەسى، 132-ايات). اللا ەلشىسىنىڭ (وعان اللانىڭ يگىلىگى مەن سالەمى بولسىن) بىلاي دەگەنى جەتكىزىلەدى: «بالالارىڭا جەتى جاستان باستاپ ناماز ورىنداۋدى بۇيىرىڭدار، ال ون جاستان باستاپ وقىماسا، ولاردى وسى ءۇشىن ۇرىڭدار، ءارى ولاردى ۇيقىعا بولەك جاتقىزىڭدار» (احماد، 2/180؛ ابۋ داۋد، 495). ناماز - بارلىق ارسىزدىقتان تىيۋشى، تىلەك تىلەۋدىڭ كوپىرى. ياعني، ناماز وقيتىن بالاڭىز، اللانىڭ قورعاۋىندا بولىپ، ءتۇرلى بۇزاقىلىقتاردان اۋلاق جۇرەدى، تازالىقتى ساقتايدى، لاس جەردەن اۋلاق بولادى. اللا تاعالادان نامازدا تىلەك تىلەپ، ارماندارى مەن ماقساتتارىنا قول جەتكىزەدى.

«پەندەنىڭ نامازدا تۇرۋى -  اسا ۇلى اللانى ەسكە الۋىڭنىڭ ەڭ ۇلكەنى بولىپ تابىلادى" (يبن اۋن) . ەڭ كەرەمەتى، بۇل كەزدە سەنى الەمدەردىڭ راببىسى ەسىنە الادى! "باقارا" سۇرەسىنىڭ 152-اياتىندا: "مەنى ەسكە الىڭدار، مەن دە سەندەردى ەسكە الامىن" دەگەن. اسا ۇلى اللانىڭ ءوز قۇلدارىن ەسكە الۋى، قۇلدارىنىڭ ونى ەسكە الۋىنان ۇلكەن. ال راببىسىنىڭ ەسىندە بولعان قۇلدا قانداي ۋايىم بولسىن!؟

تاڭعى جانە كەشكى زىكىرمەن جاماندىقتىڭ الدىن ال!

سونداي- اق، جاراتۋشى يەمىز: «...ءارى كۇن شىعاردان الدىن جانە كۇن باتاردان بۇرىن راببىڭدى ماقتاپ، (بارلىق كەمشىلىكتەن) پاك دەپ دارىپتە» («قاف» سۇرەسى، 39-ايات) دەپ بۇيىرادى. سوندىقتان، ۇنەمى اللانىڭ ەسىندە بولۋ مارتەبەسىنە يە بولعىسى كەلەتىن، ءوزىن بالە- جالادان قورعاۋدى ماقسات تۇتاتىن ەر مەن ايەل تاڭعى جانە كەشكى زىكىرلەرگە دە كوڭىل ءبولۋى ءتيىس. ويتكەنى، قۇران مەن سۇننەتتە كەلگەن تاڭعى جانە كەشكى دۇعالار بارلىق جاماندىقتان پانا سۇرايتىن ماتىندەردى قامتيدى.

 muslim.kz سايتىنان