ءسابيىڭىزدىڭ ۇيقىداعى قالپىنا قاراپ مىنەزىن تانىڭىز

استانا. قازاقپارات - قاتارىنان ءۇشىنشى ەرتەگى وقىلىپ، ەركەلەي وتىنگەن قالاۋىن دا ورىندادىڭىز. ايتەۋىر ءسابيىڭىز تىنىشتالىپ، ءتاتتى ۇيقىعا باتتى.

كورپەسىن قىمتاپ جاۋىپ، جاستىعىن تۇزەدىڭىز. ءسال كىدىرىڭىز! توسەككە مۇقيات زەر سالىڭىزشى. بالاڭىزدىڭ قالاي جاتقانىنا قاراڭىزشى. بالكىم، ءدال قازىر ونىڭ بولمىسى، مىنەزى جايلى قىزىقتى دۇنيەلەرگە قانىق بولارسىز...

بۇل تەست ۇيقىداعى تانىمىزدە بۇعىپ جاتقان سىردى ۇعىنۋعا سەبىن تيگىزەدى. سابيىڭىزگە قاراپ، تومەندەگى سۇراقتارعا جاۋاپ بەرىپ كورىڭىز.

№1. بالا ۇيىقتاعاندا

ا) ارقاسىنا نە قىرىنان جاتىپ، قولىن جاستانادى؛

ب) مالداس قۇرعانداي قالىپتا جيىرىلىپ جاتادى؛

ۆ) ەتپەتىنەن كەرىلىپ جاتادى؛

گ) قانداي قالىپتا جاتاتىنىن بىلمەيمىن.

№2. بالانىڭ باسى

ا) جاستىقتا؛

ب) جاستىقتىڭ استىندا؛

ۆ) جاستىقتىڭ ءبىر شەتىندە؛

گ) جاستىقتان تومەن.

№ 3. ۇيىقتاعاندا قولدارى

ا) سيممەتريالى ورنالاسقان نە ءسال بۇگىلىپ جاستىقتا جاتىر؛

ب) بىرەۋى بوس، ەكىنشىسىن مىقتاپ جۇمىپ العان؛

ۆ) ويىنشىعىنا، جاستىعىنا نە كورپەسىنە جارماسىپ العان.

گ) ول ءوزىن- ءوزى قۇشاقتاپ جاتادى.

№ 4. الاقانى

ا) بوس جانە اشىق، ەركىن جاتىر؛

ب) بىرەۋىن جۇمىلعان، ەكىنشىسى اشىق؛

ۆ) جۇدىرىعىن ءتۇيىپ العان؛

گ) بەتىن باسىپ جاتادى.

№ 5. ال اياقتارى

ا) ەركىن ءارى ەكى جاققا جازىلعان؛

ب) بىرەۋى بۇگىلىپ، ەكىنشىسى جازىلعان كۇيدە؛

ۆ) توسەكتىڭ قىرىنا ىلىنگەن؛

گ) ايقاسقان نە ىشىنە قاراي جيىرىلعان.

№ 6. ادەتتە بالاڭىز ۇيىقتاعاندا

ا) توسەكتىڭ ءدال ورتاسىندا جاتادى؛

ب) قيعاشىنان جاتادى؛

ۆ) كولدەنەڭىنەن جاتادى؛

گ) توسەكتىڭ بۇرىشىندا ءبۇرىسىپ جاتادى.

№ 7. ءسابيىڭىزدىڭ كورپەسى

ا) بالانىڭ ۇستىندە؛

 ب) بالانىڭ استىندا نە مۇلدەم ىسىرىلىپ قالعان؛

ۆ) دەنەسىنە وراتالىپ قالعان؛

گ) باسىنا نە كەۋدەسىنە جابىلعان، اياعى شىعىپ قالعان.

№ 8. ءىزىڭىزدى باسقان بالاپانىڭىز

ا) ەركىن جاتىپ، حانزادا نە حانشايىم سىندى ۇيىقتايدى؛

ب) تۇيەقۇس بالاپانى نە توبەلەسشىل قوراز سىندى ۇيىقتايدى؛

ۆ) ىندەگى كۇزەن سىندى مالداس قۇرعانداي قالىپتا بۇرالىپ جاتادى؛

گ) كورپەگە ورالعان قۋىرشاق سىندى.

№ 9. ول تۇندە الدەنەنى ۇستاپ جاتا ما؟

ا) جوق، ءتىپتى ويىنشىعى دا ءتۇسىپ قالادى؛

ب) ءيا، توسەگىن ۇستاپ جاتادى؛

ۆ) ءيا، اياعىمەن توسەككە جارماسىپ الادى؛

گ) ءوزىن- ءوزى ۇستاپ ۇيىقتايدى.

№ 10. ادەتتە بالا كەرەۋەتى

ا) ازداپ شاشىلعان؛

ب) جيناقى، ءبىراق سالىستىرمالى تۇردە؛

ۆ) ۇستىندە نە ءتۇرلىنىڭ ءبارى بار؛

گ) استاڭ- كەستەڭى شىققان.

№ 11. ءسىز ونىڭ ەشقاشان مىناداي قالىپتا ۇيىقتامايتىنىن بىلەسىز

ا) بۇرالىپ؛

ب) اياق- قولىن جازىپ ارقاسىنا جاتىپ؛

ۆ) قولىن جاستانىپ ءبىر قىرىنان؛

گ) ەتپەتىنەن.

№ 12. تاڭەرتەڭگىسىن

ا) بالانىڭ كورپە- جاستىعى شاشىلعان؛

ب) بالا دا، كورپە دە بۇراتىلىپ، جاستىقتى قۇشاقتاعان؛

ۆ) بالاڭىز ءسىزدىڭ توسەگىڭىزگە اسىعادى؛

گ) ەندى ۇيقىڭىزدى جالعاستىرا المايتىنىڭىز انىق.

قاي ءارىپتى كوپ تاڭداعانىڭىزعا نازار سالىڭىز.

ا) سەنىمدىلىك پەن جان تىنىشتىعى. ءسىزدىڭ بالاڭىز ءوزىن جايلى سەزىنەدى. ول الەمدى ءوز قالپىندا قابىلداپ، ءوزىن دە الەمنىڭ قابىلدايتىنىنا سەنىمدى. مۇنداي جان ءوز باعاسىن بىلەدى ءارى كوپشىلىك وعان ءاردايىم قۇرمەت كورسەتەدى. بويىنداعى ۇرەيدىڭ سەبەبىنەن مازاسىزدانبايدى، ول باقىتتى ءومىر سۇرۋگە كەدەرگى بولا المايدى. سىزدەردىڭ ماحابباتىڭىزعا، قاشان دا قولداۋ بىلدىرەتىنىڭىزگە سەنىمدى بولعاندىقتان، ءارقاشان وزىنە سەنىمدى. قاۋىپسىزدىك پەن قامقورلىقتارىڭىزدى سەزىنۋ ارقىلى سەنىمدىلىگى ارتا ءتۇسىپ، بويىنداعى كەمشىلىكتەرىنەن ارلانبايدى.

 ب) ءسىزدىڭ بالاڭىزدا قيىندىقتار ورىن الىپ، ول تۇندە الدەنەدەن قۇتىلۋعا تىرىسادى. نەدەن؟ قانداي دا ءبىر قورقىنىشتى ساتتەر مەن قايشىلىقتاردان. قازىر وندا قارىم- قاتىناسقا بايلانىستى قيىندىقتار بولۋى مۇمكىن. وعان الەم قاتال كورىنەدى، سوندىقتان قينالىپ، قورعانۋعا دايىندالادى. ونىڭ ۇستىنە ول سەزىمىن وزگەلەردەن جاسىرۋعا تىرىسادى. بالكىم ول ءوزىنىڭ ىشكى الەمىنىڭ سىزگە ۇناماۋىنان قورقاتىن شىعار؟ نە دەسەك تە، بالاڭىزدى وزدىگىنەن شەشۋگە قاۋقارسىز قيىندىقتار مازالايتىنىن بىلگەيسىز.

ۆ) وزىنە سەنىمسىز. بالاڭىز وزىنە، ءوز ءال- دارمەنىنە سەنبەيتىن سياقتى. مۇمكىن ول نە ىستەرىن دە بىلمەيتىن شىعار؟ نە سەبەپتى؟ ول كۇتپەگەن جايسىزدىقتاردان ۇرەيلەنىپ، قايتسە دە ودان قاشىپ قۇتىلۋعا تىرىسادى. ءوزىن دە وزگەلەردى دە باقىلاۋعا تىرساتىندىقتان، ءوزىن بوس ءارى ەركىن سەزىنە المايدى. ومىرىندەگى كەز- كەلگەن وزگەرىس قيىندىق پەن جايسىزدىق تۋعىزادى. الدى- ارتىن بولجاۋدان قورقىپ، قوبالجىپ، سالدارىنان جاقىندارىن پانا تۇتقاندى ءجون كورەدى. دەسە دە ەركىندىكتى جانى قالايدى. ءبىراق ساناسىنداعى «ال قولداۋسىز قالسام شە؟ » دەگەن سۇراق مازا تاپتىرمايدى. مۇنىڭ بارلىعى بالانىڭ ىشكى الەمىن شىرماپ، بارىنەن قورقاقتاۋىنا جول اشادى.

گ) مازاسىزدىق تۇتقىنى. ءقازىر بالاڭىزدىڭ ومىرىندە نە سىزبەن، نە وزىمەن كۇرەس كەزەڭى وتۋدە. بالكىم سوڭعى كۇندەرى ونىڭ كوڭىلىنە جاقپايتىن جاعدايلار ورىن العان بولار. الايدا ول قيىندىقتارعا كونۋگە ءماجبۇر. قانداي دا ءبىر سەبەپتەر ءۇشىن بالاڭىز ءوز قاجەتتىلىكتەرىن اشىق بىلدىرە الماي، «ەشەتەڭ كورمەيمىن، ەشتەڭە ەستىمەيمىن» دەگەن سيپاتتا نارازىلىق تانىتادى. شىندىعىندا ول - مازاسىزدىق تۇتقىنى. جانە ول مازاسىزدىق بالاڭىزعا سىزدەن بەرىلەدى. قۇشاعىڭىزداعى بالاپانىڭىزعا سەنىمدىلىك سەزىمى جەتىسپەيدى. تەك ءسىز عانا بۇل سەزىمدى سىيلاي الاسىز. سوندا عانا بالا مازاسىزدىقتان ارىلىپ، ەمىن- ەركىن ويناپ، وقىپ، قۋانىشتى ءومىر سۇرە الادى.

دەرەككوز: Stan.kz