قازاقستان پالامەنتى سەناتىنىڭ ءتوراعاسى: لەۆيتتىڭ كۇمىسى التىننان ارداقتى

استانا. قازاقپارات - لەۆيتتىڭ كۇمىسى التىننان ارداقتى. تۆيتتەردەگى جازباسىندا قازاقستاندىق بوكسشى ۆاسيلي لەۆيتتى ريو وليمپياداسىنداعى ءساتتى ونەرىمەن قۇتتىقتاعان ق ر سەناتىنىڭ سپيكەرى قاسىم- جومارت توقايەۆ وسىلاي دەپ جازدى.

«ۆ. لەۆيت بوكستان اقتىق باسەكەدە كەرەمەت ونەر كورسەتتى جانە بارشا جانكۇيەردىڭ زور ىقىلاس- قۇرمەتىنە يە بولدى. قورىتىندىسىندا - التىن جالاتىلعان كۇمىس مەدال»، - دەپ جازادى سەنات ءتوراعاسى.

سونىمەن قاتار، ق. توقايەۆ قازاقستاندىق زىلتەمىرشىلەردىڭ ريوداعى سايىسىن دا جوعارى باعالادى. «ءبىزدىڭ زىلتەمىرشىلەر وليمپيادادا وزدەرىنىڭ جوعارى دەڭگەيىن كورسەتۋدە. ا. زايچيكوۆ قولا مەدالدى جەڭىپ الدى، جاقسى ناتيجەسىمەن قۇتتىقتايمىن!» - دەدى سپيكەر.

اۆتور: قانات مامەتقازى ۇلى