ۆاسيلي لەۆيت ريو وليمپياداسىنىڭ كۇمىس جۇلدەگەرى
06:53, 16 - تامىز 2016
استانا. قازاقپارات - ريو- دە- جانەيرو وليمپياداسىندا ۆاسيلي لەۆيت وليمپيادانىڭ كۇمىس جۇلدەگەرى اتاندى، دەپ حابارلايدى ريوداعى قازاقپارات ءتىلشىسى.
قازاقستاندىق بوكسشى فينالدا رەسەيلىك ەۆگەني تيشەنكومەن جۇدىرىقتاستى.
ۆاسيلي ليەۆيت جارتىلاي فينالدا كۋبالىق بوكسشى ەريسلاندي ساۆونمەن جەكپە- جەككە شىعىپ، ونى 2:1 ەسەبىمەن ۇتقان بولاتىن.
ۆاسيلي لەۆيت ەكى دۇركىن قازاقستان چەمپيونى، ازيا بىرىنشىلىگىنىڭ جەڭىمپازى. ول وليمپيادانىڭ شيرەك فينالىندا ماۆريتانيالىق كەنەدي سەن- پەرردى 3:0 ەسەبىمەن ۇتىپ، جارىس جولىنان تايدىرعان بولاتىن.
ال ونىڭ الدىنداعى ىرىكتەۋ سايىستارىندا قىتايلىق يۋي فەنكايدى ەكىنشى راۋندتا نوكداۋنعا ءتۇسىرىپ، ءۇشىنشى راۋندتا قارسىلاسى جەكپە- جەككە شىعۋدان باس تارتقان.
مىنە، بۇگىن قازاقستاندىق بوكسشى سوڭعى فينالدا رەسەيلىك ەۆگەني تيشەنكومەن جۇدىرىقتاسىپ، جەڭە المادى. وليمپيادا ويىندارىنىڭ كۇمىس جۇلدەگەرى اتاندى.
اۆتور: كۇنسۇلتان وتارباي