قازاقستاندىق جاساقتاۋشىلار جەتى اتاسىن بىلەتىندەرگە بونۋس سىيلايدى - فوتو
قازىرگى ۋاقىتتا جەتى اتاسىن تانيتىندار ىشىندە ارعىندار كوش باستاپ كەلەدى. سونىمەن قاتار كوشباسشىلار قاتارىندا نايماندار مەن دۋلاتتار بار.
سونداي-اق بۇل قوسىمشا ارقىلى قولدانۋشىلار وزدەرىنىڭ اتا- بابالارى تۋرالى اقپاراتتاردى ساقتاي الادى، وسى قوسىمشاعا تىركەلگەن وزگە دە پايدالانۋشىلارمەن ارالاسا الادى.
«قازاقتار باعزى زاماننان بەرى ءوزىنىڭ رۋىنا قاتىستى تاريحتى ساقتاپ، ونى اتادان بالاعا تاراتىپ كەلەدى. قازىرگى ۋاقىتتا كوبىمىز جەتى رۋىمىزدى بىلەمىز. كەيبىرى اۋلەت تاريحىنا قاتىستى گەنەولوگيالىق مالىمەتتەر تۋرالى كىتاپ جاساپ جاتسا، كەيبىرى جەتى اتا، رۋ تۋرالى اقپاراتتاردى ءتۇرلى قولجازبالاردا ساقتاۋدا. بارلىق اقپاراتتاردى ورتاق ەتىپ، ادامدارعا تۋىستارىن ونلاين رەجيمدە ىزدەۋگە مۇمكىندىك بەرەتىن بىردە- ءبىر قۇرال بولمادى»، - دەيدى جاساقتاۋشىلاردىڭ ءبىرى اسان تولەۋوۆ ءوزىنىڭ Facebook-تەگى پاراقشاسىندا.
«Zheti Ata» قوسىمشاسى جەتى اتاعا دەيىنگى اقپاراتتى ساقتاۋعا، ولاردىڭ ءارقايسىسى تۋرالى قىزىقتى مالىمەتتەردى جۇكتەۋگە، تۋىستار اراسىندا اڭگىمەلەسۋگە مۇمكىندىك بەردى جانە اقپاراتتاردىڭ تولتىرىلۋىنا بايلانىستى رەيتينگ جاسالىپ وتىرادى.
ايتا كەتەيىك، «جەتى اتا» بويىنشا، جەتى بۋىننىڭ ۇرپاقتارى ءبىر- بىرىنە جاقىن تۋىس بولىپ ەسەپتەلىنەدى. ءداستۇر بويىنشا قازاقتا جەتى اتانى ءبىلۋ پارىز. سونىمەن قاتار قازاق جەتى اتاعا دەيىن قىز الىسپاعان. وسىنىڭ ارقاسىندا قازاق ۇلتى قان تازالىعىن ساقتاپ، گەنەتيكالىق اۋرۋلاردان ادا بولعان.
اۆتور: جاسۇلان جولدىبايەۆ