ءۇش بولمەلى پاتەردى سىيعا العان تامارا اسار جالعىز ۇلىنىڭ اكەسى تۋرالى ايتتى
بۇل تۋرالى ءانشىنىڭ ءوزى ينستاگرام پاراقشاسىندا جازىپ، قۋانىشىن ءبولىستى.
"ءسۇيىنشى! ماڭعىستاۋعا قامباردىڭ قازىعى قايتا قاعىلدى! (ۇزاعىنان ءسۇيىندىرسىن). قۋانىشتى بولىسسەڭ كوبەيەدى، دەگەندەي، سىزدەرمەن بولىسكىم كەلەدى، دوستارىم! مەن قازاقتىڭ قىزىمىن! ونەرىمدى ەلىم، جەرىم دارىپتەپ، "حان" كوتەرىپ كەلەدى. ريزامىن، شۇكىر. ماڭعاز ماڭعىستاۋىمنىڭ ءمارت ازاماتى سامات مۇسابايەۆ باستاعان قۇرىلىس كومپانياسى دەمەۋشىلىك ەتىپ، ايماققا ءوز ەڭبەگىن ءسىڭىرىپ كەلە جاتقان، وراق اياپوۆ سياقتى اعالارىم قامقور بولىپ، وبلىس اكىمى اليك ايداربايەۆ سالتاناتتى تۇردە ماعان اقتاۋ قالاسىنىڭ ورتالىعىنان سۋ جاڭا كوتەرىلگەن ۇيدەن 3 بولمەلى پاتەر سىيعا تارتتى!"، - دەپ جازعان ءانشى.
تامارا وزىنە پاتەر سىيلاعان ازاماتتارعا العىس ءبىلدىردى.
"شىن جۇرەگىمنەن جوعارىداعى اتى اتالعان جانە ات سالىسقان اعالارىما العىسىم شەكسىز. سىزدەرگە قارىنداستىق تىلەگىم بار: "ۇرپاقتارىڭىزدىڭ ۇلىلىعىن كورۋدى ءناسىپ ەتسىن، جاراتقان! مەنىڭ كەرەمەتىمدى ەمەس، ونەردىڭ كەرەمەتىن باعالاعان جۇرەكتەرىڭىزدەن اينالدىم. بۇگىنگى قۇرىلىسشىلار كۇنىمەن وسى سالاداعى بارلىق قۇرىلىسشىلاردى قۇتتىقتايمىن!!! ءبىر شارشى عانا قۇشاعىما، بارشاڭىزدى سىيعىزدىم!!! بۇل بۇيىرسا، اق قامباردىڭ شاڭىراعى. "ەڭ قىزىعى بۇل پاتەرگە سەبەپشى بولعان ەكى اعاسى، بىرەۋى سامات، بىرەۋى وراق. ال قامباردىڭ مارقۇم اكەسىنىڭ اتى سامات، فاميلياسى وراق بولاتىن"، - دەپ جازدى ول.
ايتا كەتەيىك، تامارا اسار جەكە ءومىرى تۋرالى جاريا ەتە بەرمەيتىندەردىڭ قاتارىندا. الايدا، بۇل جولى جالعىز ۇلى قامباردىڭ اكەسى تۋرالى قۋانىش ۇستىندە تولعانىسپەن جەتكىزدى.
جەلى قولدانۋشىلارى ءانشىنىڭ قۋانىشىنا ورتاقتاسىپ، ۇلى ەكەۋىنە جاقسىلىقتار تىلەۋدە.