وليمپيادادا تۇڭعىش رەت مەدال العان ەل قالاي قۋاندى؟
00:09, 14 - تامىز 2016
استانا. قازاقپارات - رەگبي-7 سپورتىنان ريو وليمپياداسىنىڭ چەمپيونى اتانعان فيدجي كورولدىگى ءوز تاريحىنداعى تۇڭعىش رەت وليمپيادا جۇلدەسىن الدى.
ءتورتجىلدىق ويىندارىندا باسقا ەمەس، بىردەن التىن العان فيدجي رەگبيشىلەرى حالقىن قۋانتىپ تاستادى.
فينالدا ۇلى بريتانيانى 43:7 ەسەبىمەن تالقانداعان فيدجي ويىنشىلارى حانشايىمنىڭ قولىنان مەدال الدى. ال ەلدىڭ پرەمەر- ءمينيسترى ءوز تاريحىنداعى تۇڭعىش جۇلدە ءۇشىن فيدجيدە مەرەكەلىك دەمالىس جاريالاعان.
«ءبىز فيدجيلىك ەكەنىمىزدى ماقتان تۇتامىز»، - دەيدى قۋانىشتان كوزىنە جاس العان جانكۇيەرلەر.
بۇگىنگە دەيىن فيدجي وليمپيادا ويىندارىندا بىردە- ءبىر جۇلدە الماعان. سوندىقتان، ەل تۇرعىندارى تاريحي جەڭىستى ەرەكشە اتاپ وتپەكشى. ەلدە بار بولعانى 849 مىڭ ادام تۇرادى.
www.nur.kz/kk