ەۋرازيالىق ەكونوميكالىق وداق جاڭا كەدەن كودەكسىن قابىلداۋعا جاقىن

استانا. قازاقپارات - ر ف پرەمەر- ءمينيسترى دميتري مەدۆەديەۆ ەۋرازيالىق ەكونوميكالىق وداق جاڭا كەدەن كودەكسىن قابىلداۋعا جاقىن ەكەنىن ايتتى، دەپ حابارلادى ت ا س س.

«باستى نازار اۋداراتىن تاقىرىپ - جاڭا كەدەن كودەكسى جوباسىن دايىنداۋ. اۋقىمدى جۇمىس جاسادىق دەپ ويلايمىن. جاڭا كەدەن كودەكسىن قابىلداۋعا جاقىندادىق»، - دەدى ول ەۋرازيالىق ۇكىمەت ارالىق كەڭەستىڭ كەڭەيتىلگەن وتىرىسىندا.

پرەمەردىڭ ايتۋىنشا، بۇل - ۇلكەن جەتىستىك. قۇجات ىسكەرلىك توپتاردىڭ قاتىسۋىمەن جان- جاقتى قارالدى.

«بۇل كەدەن كودەكسى قابىلدانعان سوڭ، وداقتىڭ سىرتقى شەكاراسىندا كەدەندىك رەسىمدەۋ ۇدەرىسى بىرىزدەندىرىلەدى، ال تاۋارلاردى تاسىمالداۋ جەڭىلدەي تۇسەدى»، - دەپ اتاپ ءوتتى مەدۆەديەۆ.

«جۇمىستى جەدەل اياقتايمىز دەپ ۇمىتتەنەمىن»، - دەدى پرەمەر.