نەگە ازان ايتقاندا قۇلاقتى سۇق ساۋساقپەن بىتەپ تۇرادى؟

استانا. قازاقپارات - ازانشىنىڭ ازان شاقىرعاندا قۇلاعىن ساۋساعىمەن بىتەۋى نەگىزىنەن داۋىستىڭ قاتتىراق ءارى زور شىعۋى ماقساتىندا جاسالادى[1].

ال جالپى قۇلاقتى ساۋساقپەن بىتەپ ازان ايتۋىمىز - حاديسكە امال ەتكەندىگىمىز بولىپ سانالادى. بۇعان تومەندەگى حاديس دالەل:

يبن ءماجانىڭ «ءسۇنانىنداعى» حاديس بويىنشا ساحابا ءابۋ جۋحايفا (ر. ا. ) بىلاي دەيدى: «مەن پايعامبارىمىزعا (س. ا. ۋ) كەلگەنىمدە ول ءابتاح[2] دەگەن جەردە، تەرىدەن تىگىلگەن قىزىل شاتىردا ەدى. ءبىلال شىعىپ ازان ايتتى. ازان ايتىپ جاتىپ (جۇرتتار ەستۋ ءۇشىن) بۇرىلدى. سول كەزدە قولىنىڭ ساۋساعىن قۇلاعىنا تىعىپ العان ەدى» [3].

[1] يحتيار - 1/143 بەت.

[2] مەككە سىرتىنداعى ءبىر جەر.

[3] يبن ءماجا - 329 بەت/711-حاديس. ساحيح.

ابدۋسامات قاسىم

muslim.kz