گوللانديالىق كومپانيا الماتىدا يننوۆاتسيالىق جىلىجاي سالۋعا نيەتتى

الماتى. قازاقپارات - الماتى قالاسى ينۆەستورلاردىڭ قىزمەت كورسەتۋ ورتالىعى قالا اۋماعىندا يننوۆاتسيالىق جىلىجاي كەشەنىن اشۋ بويىنشا گوللانديالىق «Staay Food Group» كومپانياسىمەن بەلسەندى تۇردە كەلىسسوز جۇرگىزۋدە.

بۇل تۋرالى الماتى قالاسى كاسىپكەرلىك جانە يندۋستريالدىق- يننوۆاتسيالىق دامۋ باسقارماسىنان حابارلادى.

ەۋروپالىق تاراپ وكىلدەرى الماتىدا كوكونىستەر مەن جەمىستەردىڭ تولىق اسسورتيمەنتىن ءوسىرۋ نيەتى بارىن ايتتى. ولاردىڭ ايتۋىنشا، جوبانىڭ يننوۆاتسيالىلىعى جىلىجاي كەشەنىنىڭ جەر ۋچاسكەسىن قاجەت ەتپەۋىندە: كوكونىستەر مەن جەمىستەر ارنايى سورەلەردە وسىرىلەدى.

Staay Food Group BV ءوزىنىڭ ەنشىلەس كاسىپورىندارىمەن بىرگە جاڭا پىسكەن جەمىستەر مەن كوكونىستەردى ءوسىرىپ، جەتكىزەدى. كومپانيا 1946 جىلى قۇرىلعان جانە پاپەندرەحت، نيدەرلاندى قالالارىندا جۇمىس ىستەيدى. كومپانيانىڭ نيدەرلاندى، يسپانيا، يزرايل، مىسىر، شىعىس ەۋروپا، وڭتۇستىك امەريكا جانە رۋمىنيادا لوكاتسيالارى بار، سونداي-اق بارشا الەم بويىنشا قىزمەت جۇرگىزەدى.