پسيحولوگتار وتىرىپ قالعان قىزدارعا جىلدام تۇرمىسقا شىعۋدىڭ قۇپياسىن اشتى

استانا. قازاقپارات - ادەتتە بويجەتكەندەر تۇرمىسقا شىعۋدىڭ ءومىردىڭ ءمانى ەمەستىگىن ارماندارى ورىندالعان سوڭ ءبىراق تۇسىنەدى.

سەبەبى، ولار وتباسىلىق ءومىردىڭ قيىندىقتارىمەن بەتپە- بەت كەزدەسەدى. دەسە دە، وتباسىلىق پسيحولوگتار وتىرىپ قالعان قىزدارعا جىلدام تۇرمىسقا شىعۋدىڭ قۇپياسىن اشتى.

بۇل تۋرالى Stan.kz حابارلايدى.

كەز كەلگەن قارىم- قاتىناستىڭ وزىندىك ەرەجەلەرى بار. سول سەكىلدى عاشىقتار اراسىندا دا بەلگىلى ءبىر زاڭدىلىقتار ساقتالۋى ءتيىس. ولار تومەندەگىدەي:

بىرىنشىدەن، ءسىز ءاردايىم باقىتتىسىز. جىگىتىڭىزگە كەيدە قاتتى نەمەسە جۇمساق سويلەۋىڭىز مۇمكىن. ءبىراق، قانداي جاعداي بولماسىن ءسىز ىشتەي باقىتتىسىز. ۇنەمى كۇلىمسىرەپ، قۋانىپ جۇرەسىز. ەشۋاقىتتا وعان شاعىمدانبايسىز ءارى ەشكىمدى جاماندامايسىز. كەز كەلگەن جەردە ءوزىڭىزدى مادەنيەتتى ەتىپ كورسەتۋگە تىرىساسىز.

ەكىنشىدەن، سىرت كەلبەتىڭىزگە ەرەكشە ءمان بەرەسىز. جاعىمسىز ادەتتەردەن بويىڭىزدى اۋلاق ۇستايسىز. بەلگىلى ءبىر سپورت جانە ءبي تۇرىمەن اينالىساسىز. مۇنىمەن قاتار، تالعاممەن كيىنەسىز. ۇشىنشىدەن، جىگىتتەرمەن قارىم- قاتىناسىڭىز جاقسى. ءبىراق تۇرمىسقا شىعۋعا اسا اسىقپايسىز.

ەر ادامدار تابيعاتىنان «اڭ اۋلاۋعا» قۇمار كەلەدى. ناعىز ەر ازاماتتار سۇيىكتىسىنىڭ جۇرەگىن جاۋلاپ، ونى وزىنە قاراتۋ ءۇشىن ءبىراز ەڭبەكتەنگىلەرى كەلەدى. ال بايقاۋسىزدا ەكى بيلەت الىپ، وزدەرى كينوعا شاقىرىپ، وزدەرى حابارلاساتىن قىزداردى جىگىتتەر كوپ ۇناتا بەرمەيدى. سوندىقتان سىزدەردىڭ قارىم- قاتىناسىڭىز ءبىرىنشى كەزەكتە وعان كەرەك بولۋى ءتيىس. ياعني تۇتقانى ءسىز ەمەس، ول ءبىرىنشى قويادى. ءبىرىنشى بولىپ ءوزى جازادى.

العاشقى كەزدەسۋدىڭ دە ماڭىزى زور. جىگىتكە تەسىلىپ قاراپ، وعان شەكسىز عاشىق ەكەنىڭىزدى كورسەتۋدىڭ قاجەتى جوق. مۇنىمەن قاتار، جىگىت ءسىزدى ءبىر جەرگە شاقىرسا، ىشىڭىزدەن بەسكە دەيىن ساناپ بارىپ كەلىسىمىڭىزدى بەرىڭىز.

ەڭ باستى ەرەجە - ءسىزدىڭ قولىڭىز بوس ەمەس! ءسىز قاي كەزدە دە «قولىم بوس» ەمەس دەپ جاۋاپ بەرۋىڭىز كەرەك. سول كەزدە ونىڭ سىزگە دەگەن قىزىعۋشىلىعى ارتىپ، ۋاقىتىڭىزدىڭ ءبىر بولىگىن يەمدەنۋ ءۇشىن ءتۇرلى رومانتيكالىق ارەكەت جاسايتىن بولادى.