قازاقستاندا جەدەل مەديتسينالىق كومەك قاۋىمداستىعى قۇرىلدى
ونىڭ قۇرامىنا رەسپۋبليكالىق سانيتارلىق اۆياتسيا ورتالىعى، سونىمەن قاتار، ايماقتىق مەديتسينالىق ۇيىمدار كىرەدى، دەپ جازادى Pm.kz.
ونىڭ نەگىزگى ماقساتى - قازاقستانداعى زاماناۋي جەدەل مەديتسينالىق كومەك پەن سانيتارلىق اۆياتسيا قىزمەتىن جەتىلدىرۋگە ىقپال ەتۋ.
قاۋىمداستىقتىڭ نەگىزگى جۇمىسى - رەسپۋبليكاداعى اتالعان قىزمەتتەردىڭ باسىم باعىتتارىن دامىتۋ مەن ولاردى بىرىكتىرۋ، جەدەل مەديتسينالىق كومەك كورسەتۋ سالاسىنداعى قۇقىقتىق نورماتيۆتىك بازانى وڭتايلاندىرۋ مەن ساپاسىن ارتتىرۋ بويىنشا ۇسىنىمدار جاساۋ.
كەلەشەكتە قاۋىمداستىق ءوز قىزمەتىن رەسپۋبليكادان تىس شەڭبەردە كەڭەيتىپ، الىس جانە جاقىن شەتەلدەردەگى ارىپتەستەرمەن بەلسەندى تاجىريبە الماسۋدى جوسپارلاپ وتىر.
بىرىكتىرىلگەن قىزمەتتى دامىتۋ، ق ر د س ءا د م- نىڭ مالىمەتىنشە، رەسپۋبليكاداعى مەديتسينالىق قىزمەتتىڭ ساپاسىن ارتتىرۋعا، سونىمەن قاتار، جەدەل مەديتسينالىق كومەك قىزمەتى جۇيەسىنىڭ ماسەلەلەرىن شەشۋگە مۇمكىندىك بەرەدى.