انكارادا ق ر مەن تۇركيا پرەزيدەنتتەرىنىڭ ەكىجاقتى كەزدەسۋى ءوتىپ جاتىر
كەزدەسۋ بارىسىندا ساياسي، ساۋدا- ەكونوميكالىق ىنتىماقتاستىق ماسەلەلەرىن كەڭىنەن تالقىلاۋ جوسپارلانعان، سونداي- اق تۇركى تىلدەس مەملەكەتتەردىڭ ىنتىماقتاستىق كەڭەسىنىڭ قىزمەتى تالقىلانادى.
ءبىزدىڭ مەملەكەت باسشىسىن ءوز رەزيدەنسياسىندا رەجەپ تايىپ ەردوعان قارسى الدى. ءداستۇر بويىنشا ەكى ەلدىڭ ءانۇرانى ورىندالدى، سونداي-اق قۇرمەتتى قوناقتى قارسى الۋ راسىمىنە قۇرمەتتى قاراۋىل روتاسى قاتىستى.
سودان كەيىن مەملەكەت باسشىلارىنىڭ ەكىجاقتى كەزدەسۋى باستالدى، ودان سوڭ كەڭەيتىلگەن قۇرامدا كەلىسسوزدەر وتەدى. تۇركياعا قازاقستاندىق دەلەگاتسيا ىشىندە ق ر پرەمەر-ءمينسترىنىڭ ءبىرىنشى ورىنباسارى باقىتجان ساعىنتايەۆ، ق ر سىرتقى ىستەر ءمينيسترى ەرلان ىدىرىسوۆ، ق ر ينۆەستيتسيا جانە دامۋ ءمينيسترى جەڭىس قاسىمبەك، ق ت ج باسشىسى اسقار مامين جانە باسقا دا رەسمي تۇلعالار قاتىستى.
اتاپ وتسەك، بۇگىن ءبىزدىڭ مەملەكەت باسشىسىنىڭ تۇركيا رەسپۋبليكاسىنا رەسمي ساپارى باستالدى. نۇرسۇلتان نازاربايەۆ وسى ەلدە مەملەكەتتىك توڭكەرىس جاساۋ ارەكەتىنەن كەيىن تۇركياعا كەلگەن العاشقى پرەزيدەنت بولدى.