كارىم ءماسىموۆ اقمولالىق جاستاردىڭ قويعان سۇراقتارىن شەشۋگە ۋادە بەردى
2 يندۋستريالدى- تەحنيكالىق كوللەدجدە وتكەن كەزدەسۋدە ءوڭىر جاستارى پرەمەر-مينيسترگە جازعى دەمالىس كەزىندە جوعارى سىنىپ وقۋشىلارى مەن قۇرىلىس وتريادتارىن جۇمىسپەن قامتاماسىز ەتۋ، اۋىلدىق جەرلەردەگى جاستار رەسۋرستىق ورتالىعىن ماماندارىنىڭ ايلىعىن كوتەرۋ، وندىرىستە جۇمىس ىستەيتىن جاستار ءىسى بويىنشا كوميتەتتەردىڭ ءبىرىڭعاي ينستيتۋتىن ەنگىزۋ، وبلىس اكىمى تاعايىندايتىن اتاۋلى شاكىرتاقىنىڭ دارەجەسىن وزگەرتۋ ماسەلەسىن ورتاعا سالدى.
وسى ورايدا، ۇكىمەت باسشىسى جاستاردىڭ ساۋالدارىن تىڭداي كەلە، كوتەرىلگەن ماسەلەنىڭ بارلىعى ورىندى ەكەنىن جانە ءتيىستى مينيسترلىكتەرگە ونى شەشۋ جولدارىن قاراستىرۋ تۋرالى ناقتى تاپسىرمالار بەرەتىن اتاپ ءوتتى.
«قويىپ وتىرعان سۇراقتارىڭىز ورىندى. ايتىلعان ماسەلەنىڭ بارلىعىن بىردەن شەشىپ تاستاۋ مۇمكىن ەمەس. سوندىقتان، مينيسترلىكتەرگە كوتەرىلگەن ماسەلەلەردى زەرتتەپ، زەردەلەپ، شەشۋ جولدارىن قاراستىرۋدى تاپسىراتىن بولامىن. ونىڭ بارلىعى مەنىڭ باقىلاۋىمدا بولادى»، - دەدى ك. ءماسىموۆ.
ءوز كەزەگىندە جاستار «ديپلوممەن اۋىلعا» باعدارلاماسىنىڭ مەكەن- جايى بويىنشا مەملەكەت تاراپىنان جاسالىنىپ جاتقان ۇلكەن كومەك ەكەنىن اتاپ ءوتتى.
سونىمەن قاتار، ۇكىمەت باسشىسى اتالعان ءبىلىم ورداسىن ارالاپ شىعىپ، ماتەريالدىق- تەحنيكالىق بازاسىمەن تانىستى.
ەسكە سالا كەتسەك، اقمولا وبلىسىنا جۇمىس ساپارىمەن كەلگەن ق ر پرەمەر- ءمينيسترى ك. ءماسىموۆ «ستەپنوگور - ەۋروپالىق پودشيپنيك كورپاراتسياسى» ا ق، «قازاقستاننىڭ جىلىجاي كەشەنى» ج ش س جۇمىسىمەن تانىستى.
سونداي- اق، بۋراباي اۋدانىنىڭ ءبىرقاتار الەۋمەتتىك- وندىرىستىك نىساندارىندا بولىپ، استانا قالاسى اينالاسىندا ازىق- تۇلىك بەلدەۋى مەن شۋچينسك- بۋراباي كۋرورتتى ايماعىن دامىتۋ تۋرالى كەڭەس وتكىزەدى دەپ جوسپارلانعان.
اۆتور: اسلان وسپانوۆ