ريودا رەسەيلىك ديپلوماتتىڭ توناۋشىنى ولتىرگەنى تۋرالى اقپاراتتى ر ف باس كونسۋلى جوققا شىعاردى
بۇعان دەيىن شەتەلدىك ب ا ق- تا برازيليالىق قورعاۋشى، ريو- دە- جانەيروداعى رەسەي كونسۋلىنىڭ ورىنباسارى ماركوس سەزار فەرەس براگاعا شابۋىل جاسالعانى تۋرالى اقپارات پايدا بولعان ەدى. بۇل تۋرالى newsru.com حابارلايدى.
«بۇل برازيليالىق ازامات ديپلوماتيالىق مەكەمەنىڭ قىزمەتكەرى ەمەس جانە رەسەيدىڭ شەتەلدىك مەكەمەلەرىنە ەش قاتىسى جوق»، - دەدى توكماكوۆ.
«ريو- دە- جانەيروداعى بارلىق رەسەيلىك ديپلوماتتار جانە شەتەلدەگى رەسەيلىك مەكەمەلەردىڭ قىزمەتكەرلەرى ءدىن امان جانە بۇل وقيعامەن ەشقانداي بايلانىسى جوق. وقيعاعا قاتىسى بار ادام ءوزىن «باس كونسۋلدىقتىڭ قىزمەتكەرىمىن» دەپ تانىستىرۋى مۇمكىن»، - دەدى توكماكوۆ.
وقيعا قالانىڭ باتىس بولىگىندە ورنالاسقان Outback مەيرامحاناسى ماڭىندا تۇسكى ۋاقىتتا بولعان. الدىن الا مالىمەتتەر بويىنشا، ءوزىنىڭ BMW X5 كولىگىندە وتىرعان برازيليالىق ادۆوكاتقا توناۋشىلار موتوتسيكلمەن جاقىنداعان. ولار كولىك تەرەزەسىن سىندىرىپ، كولىكتەگىدەن قولىنداعى ساعاتتى بەرۋدى تالاپ ەتىپ، قارۋمەن قورقىتقان. الايدا ادۆوكات ولارمەن ايقاسىپ قاسكويدىڭ قولىنان قارۋىن الىپ ءوزىن اتىپ ولتىرگەن.